Sudango Armadak eta paramilitarrek adostutako 24 orduko su-etena ez dute bete
Sudango jauregi presidentzialaren inguruan eta Armadako komandantziaren egoitza nagusian, Khartum erdigunean, leherketak eta tiroak izan dira, Ameriketako Estatu Batuek proposatutako 24 orduko su-etena indarrean sartu eta berehala, lekukoek jakitera eman dutenez.
Su-etena indarrean sartu eta 15 minutura hasi dira Sudango Armadaren eta talde paramilitar boteretsuaren arteko borrokak, aipatutako iturrien arabera.
Sudango Armadak eta Laguntza Azkarreko Indar paramilitarrak (RSF) 24 orduko su-eten baterako akordioa iragarri dute gaur, larunbatean piztu eta orain arte gutxienez 270 hildako eta 2.000 zauritu baino gehiago utzi dituzten borroken ostean, Munduko Osasun Erakundeak (MOE) argitaratutako azken balantzearen arabera.
Mohamed Hamdan Daglo 'Hemedti' RSFko buruak Antony Blinken AEBko Estatu idazkariarekin hitz egin du azken orduetan, eta, adierazi duenez, RSFk "24 orduko armistizioa" onartu du, AEBrekin eta "beste nazio lagun batzuekin" izandako harremanen harira.
"Zoritxarrez, Sudango Indar Armatuek ez dute su-etena errespetatu, eta jende asko bizi den zonaldeak bonbardatu dituzte, zibilen bizitzak arriskuan jarriz", gaineratu du.
Bestalde, Sudango Armadako bozeramaile batek Twitter bidez adierazi duenez, "Armadak ez du bitartekarien eta nazioarteko komunitatearen arteko inolako koordinazioren berririk su-eten baten inguruan". "Matxinoen 24 orduko su-etenari buruzko adierazpenak ordu gutxi barru jasango duen porrot ikaragarria estaltzea du helburu. Fase kritiko batean sartu gara, eta gure ahaleginak helburuak maila operatiboan lortzera bideratuta daude", azpimarratu du.
Hala ere, handik gutxira, Shamselin Kabashi jeneralak, Trantsizio Kontseilu Subiranoko kideak, 24 orduko su-etena baieztatu du Al Arabiya telebista kateari eskainitako adierazpenetan, eta 18:00etan indarrean sartuko dela zehaztu du.
NBEko erakundeek eta Sudanen dituzten 4.000 langileek programa gehienak eten behar izan dituzte herrialde horretan, borrokaldien ondorioz. NBEren Genevako informazio zerbitzuek baieztatu dutenez, gainera, bertan dauden langileak (800 atzerritarrak dira) ezin dira herrialdetik sartu edo atera gatazkaren ondorioz.
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.