Errusiak Ukrainaren "eraso handia" atzera bota omen du
Gerra komunikazioaren arloan ere egiten ari dira. Errusiak dio "eraso handia" gaitzetsi duela Donbasseko lurraldean, baina Kievek, azken asteotan eskala handiko erasoa iragartzen egon arren, ez du baieztatu borroka operaziorik aurrera eraman duenik.
"Ekainaren 4ko goizean, etsaiak eraso handi bat jarri du martxan fronteko bost sektore ezberdinetan, Donetsk lurraldeko hegoaldean" esan du Errusiako Defentsa ministerioak ohar batean, borrokaren toki zehatzik aipatu gabe. "Etsaiak ez du bere helburua lortu. Porrot egin du" dio oharrak, eta bideo bat ere erakutsi du, errusiarrek suntsitutako tanke ukrainarrak airetik ikusten direlarik. Errusiako Defentsa ministerioaren arabera, armada ukrainarrak eraso hori sei mekanizazio batailoiren bitartez burutu du.
Kiev, isilik
Ukrainako agintariek ez dute borroka horiei buruz inongo aipamenik egin. Kievek hilabeteak daramatza Errusiako indarren auka kontraeraso handi bat iragartzen. Igande honetan kaleratutako bideo batean, Ukrainako armadak isilik egoteko deia egin die bere soldaduei, eta esan du ez duela erasoaldi horren iragarpenik egingo.
Moskuk iragarritako eraso ukrainar horrez gain, borrokak izan dira Belgorod lurralde errusiarrean Ukrainako mugatik hurbil, kasu honetan armada errusiarra eta Ukrainaren aldeko talde errusiarren artean, bertako gobernadorearen arabera.
"Sabotatzaile taldeak"
"Errusiarentzat Askatasuna Legioa" delako Ukrainaren aldeko talde errusiar horietako batek azaldu duenez, preso errusiarrak entregatu dizkio Ukrainari. Lehen aldia da errusiar arduradun batek Errusiako lurretan preso errusiarrak harrapatu izana onartzen duela.
Armada errusiarrak aldarrikatu duenez, "ukrainarrez osatutako sabotatzaile taldea" atzera bota du, muga zeharkatzen saiatzen ari zirela. Maiatzean, ukrainarren aldeko tropak Belgoroden sartu zirenean, Moskuk bonbardaketak egin behar izan zituen bere lurraldean.
Muga zeharkatzea euren gain hartu zuten Kremlinen aurkako talde nazionalistek. Horrez gain, Ukrainak muga ondoko herriak gogor bonbardatu ditu, milaka herritar ihes egitera behartuz, baina ez ditu sekula eraso horiek bere gain hartu.
Zure interesekoa izan daiteke
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.