Kargurik gabe aske utzi dute Nicola Sturgeon
Kargurik gabe aske utzi dute Nicola Sturgeon Eskoziako lehen ministro izandakoa, Poliziaren zaintzapean bederatzi ordu igaro eta galdeketa egin ostean.
Goizean atxilotu dute Sturgeon, Eskoziako Alderdi Nazionalaren (SNP) finantzaketari lotutako ikerketaren baitan, Erresuma Batuko komunikabideek jakitera eman dutenez.
SNPren finantzak susmopean dira azken urtotan, batez ere, 2021ean dohaintza batzuen inguruan hainbat kexu jaso zirenetik. Poliziaren susmoak piztu ditu alderdiak independentziaren aldeko balizko erreferendum berri baterako kanpaina finantzatzeko alderdiak jaso zuen diruak.
SNPko bozeramale baten arabera, Sturgeon bere borondatez joan da Polizia eskoziarrarekin adostuta zuen hitzordura, eta han "atxilotu eta galdekatu" egin dute, alderdi subiranistaren funtsekin lotutako ustezko iruzurrarekin lotuta.
"Branchform operazioa" deituriko ikerketa berarekin loltuta, Sturgeonen senarra, Peter Murrel, atxilotu zuen Poliziak apirilean; aske utzi zuten gero.
Ikerketarekin argitu nahi dutena da zertarako erabili zuen Eskoziako Alderdi Nazionalak balizko independentzia erreferendum baterako jaso zituen dohaintzak, 600.000 libera (680.000 euro). Ikerketan sakontzen ari diren heinean, batez ere, 400.000 libera (455.000 euro) nondik jaso ziren argitu nahi dute, Daily Record Eskoziako hedabidearen esanetan, ez baitzen horiek jaso izana Hauteskunde Batzordeari komunikatu denbora dezente pasa arte.
Sturgeonek ez du inoiz bere dimisioa (martxoaren amaieran dimititu zuen) susmo horiekin edo ikerketarekin lotu, eta, bederatzi urtez karguan egon denak, balizko galdeketarako bildutako dirua eta alderdiaren kontuen gardentasuna aldarrikatu izan du beti.
52 urteko emakume baten atxiloketa iragarri du Eskoziako Poliziak Twitterreko kontuan; gero baieztatu du Eskoziako BBCk Sturgeon dela atxilotutako emakume hori.
"Ministro nagusi izandakoa Poliziaren zaintzapean dago uneotan, eta Poliziaren galderei erantzuten ari da", azaldu dute Poliziak kaleratutako oharrean.
Albiste gehiago mundua
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.
60.000 pertsona inguru manifestatu dira Tel Aviven, Gazan bahituen bideoak zabaldu ostean
Gazako gatibuak Israelera bueltan eramango dituen su-eten akordio bat eskatu dute, ohi baino jende gehiagorekin egindako protesta jendetsuan, horien bideo batzuk zabaldu ostean. Bideo horietan, bahituek muturreko argaltasuna erakusten dute eta akordio bat eskatzen diete agintariei. Israelek 104 pertsona hil ditu azken orduotan Gazako Zerrendan.
Hamasek dio ez dela desarmatuko Estatu palestinar bat ezarri arte
Horrela erantzuten dio Steve Witkoff AEBk Ekialde Hurbilean duen mandatariari, talde islamista armak uzteko prest zegoela esan ondoren.