Eraso jihadista batek bi hildako utzi ditu Bruselako erdialdean
Bruselako tiroketaren ustezko egileak erasoaren hipotesia egiaztatzen duten hainbat bideo argitaratu ditu Interneten. Bideo horietan, besteak beste, Estatu Islamikoko kide gisa identifikatzen du bere burua, eta "musulmanek mendekua hartzearen alde egiten du.
Fiskaltzaren bozeramaile batek baieztatu duenez, erasotzaileak bideo bat zabaldu du, atentatuaren tokitik ihes egin ondoren. Bertan, Belgikako komunikabideek jasotzen dutenez, biktima suediarrak aipatzen ditu, eta heriotzera arte borrokatzeko prest dagoela iradokitzen du.
Hildako bi pertsonez gain, hirugarren biktima baten berri ere eman du Fiskaltzak. Zaurituta baina arriskutik kanpo dagoen taxista bat da.
Hainbat lekukok tiroketa grabatu zuten, eta irudiak berehala zabaldu ziren hedabideetan zein sare sozialetan. Bertan ikus daitekeenez, erasotzailea Bulevar d'Ypres ingurura iritsi da motrrez, 19:00ak aldera. Ibilgailua lurrera bota du, eta tiroka hasi da bertan zeudenen kontra. Antza, taxi batean zeuden bi pertsona hil zituen. Bi biktimek Suediako futbol selekzioaren kamiseta zuten jantzita. Lekukoen arabera, "Ala handia da" oihukatu zuen erasotzaileak, tiroka hasi zenean.
Atzo gauean Brusela-Suedia gizonezkoen futboleko Eurokopara sailkatzeko partida zen jokatzekoa Belgikako hiriburuan, Heysel estadioan, tiroketa izan zen lekutik bost kilometrora. Partidaren lehen zatia jokatu bazen ere, atsedenean neurketa bertan behera uztea erabaki zuten, segurtasun arrazoiengatik.
Erasoaren ondoren, ustezko erasotzaileak bideo bat zabaldu zuen sare sozialetan, egilea bera dela esanez. Estatu Islamiarreko kidea dela adierazi zuen, eta harro mintzatu zen "herritar ez leialak" akabatu dituelako. "Gure erlijioaren alde hilko gara", adierazi zuen.
Belgikako larrialdietarako zerbitzuek eta polizia indarrek erasotzailea bilatzeko operazioa jarri zuten martxan. Ilse Vande Belgikako poliziaburuak esan du ingurua berehala itxi zutela, eta ikerketa abian zela.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.