Netanyahuk su etena baztertu du: "Hamasen aurrean amore ematea litzateke"
Benjamin Netanyahu Israelgo lehen ministroak Gazan su etena ezartzea baztertu du, tinko baztertu ere. Izan ere, horren ustez, "Hamasen aurrean amore ematea litzateke".
"Su eten eskaerak Hamasen aurrean amore emateko eskaerak dira, basakeriaren eta terrorearen aurrean errenditzekoak", esan du prentsaurreko batean, The Times of Israel egunkariak jaso duenez.
Buruzagi juduaren arabera, inork ez zion halakorik eskatu AEBri, 1941eko abenduaren 7an Pearl Harborri egindako erasoaren ostean. Nabarmendu duenez, beharrezkoa da "errugabeen hilketaren eta gerra legitimo bakoitzean izaten diren nahi gabeko bajen arteko bereizketa morala egitea".
Zehaztu du Israelgo Defentsa Indarrak "aurrerapen sistematikoak" egiten ari direla Gazako Zerrendan, lurreko erasoak aipatuta. "Pauso gehiago egongo dira: ezinezkoa da denak xehe adieraztea, baina gerra kabinetean aztergai ditugu", erantsi du.
Hamasek bahitutako soldadu israeldar bat askatu dutela eta, pozik agertu da lehen ministroa. Gainerako bahitutakoak askatzeko eginahalak egiten ari direla nabarmendu du, halaber.
Iritzi berekoa da Israelen aliatu nagusia den AEB. John Kirby Segurtasun Nazionalerako aholkulariak adierazi duenez, su etena "ez da erantzun egokia".
"Krisi honek inoizko gizagabetasun handienetakoa eragin du", NBEren aditu baten hitzetan
Urriaren 7an Hamasek egin zuen erasoak eta, erantzun gisa, Israelek egindako ofentsibak "inoizko hondamendi politiko eta humanitario handiena eragin dute", Francesca Albanese Palestinako lurralde okupatuetan NBEk duen giza eskubideen errelatorearen ustez.
NBEren albisteen atariari eskainitako elkarrizketa batean, adituak esan du "ezinezkoa" dela Israelgo herriak duen "min eta sufrimendua" deskribatzea: "Hil edo bahitu dituztenak ez ezik, erabat hunkituta dagoen biztanleria oso bat ere badago".
Dena dela, gazatarren egoera ere latza dela azpimarratu du. "Bost gerra hilgarri pairatu dituzte. Israelek Gaza legez kanpo blokeatu du, 2,2 milioi pertsona harrapatuta utzita". Urriaren 7tik, halaber, "astero 6.000 bat bonba bota ditu, ausarkeria osoz", kritikatu du.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
Dozenaka pertsona atxilotu dituzte goizeko lehen zatian Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.