Hiru bahituk euren askapena negoziatzeko eskatu diote Netanyahuri, Hamasek zabaldutako beste bideo batean
Hamas Erresistentzia Mugimendu Islamikoaren adar armatuak Gazako Zerrendan gatibu dituen israeldarren beste bideo bat zabaldu du gaur. Oraingoan, hiru emakume israeldar agertzen dira irudietan, eta horietako batek bakarrik hitz egiten du. Gogor mintzatzen da Benjamin Netanyahu Israelgo lehen ministroaren aurka, urriaren 7an Hamasek egindako erasoen erantzule bakarra bera dela esanez.
77 segundo irauten dituen bideoan, hebreeraz, honakoa dio emakumeak: "Aska gaitzazu orain, aska itzazu euren herritarrak, euren presoak, eta utzi iezaguzu gure familiengana itzultzen". "Ustez, su-etena egon behar zuen. Askatuko gintuzula agindu zenigun", gehitu du.
Halaber, Hamasen erasoaren aurrean Gaza inguruko komunitateak ez babestea egozten dio Netanyahuri bahitutako emakumeak. "Gu hiltzea nahi duzu", esan dio. Hamasen erasoan 1.400 israeldar baino gehiago hil ziren, eta 239 pertsona inguru ditu gatibu talde islamiarrak.
Israelgo Gobernuak baieztatu du bideoan agertzen diren hiru emakumeak Hamasek bahitutakoen artean daudela. Benjamin Netanyahu lehen ministroak esan du "propaganda psikologiko krudela" dela zabaldutako bideoa.
Zabaldutako ohar batean, "besarkada" bat helarazi die mandatari israeldarrak bahituei, eta "ahal duen guztia" egingo duela hitz eman die, "bahitu guztiak etxera itzul daitezen".
"Hamasek bahitutako Elena Trupanov, Danielle Aloni eta Rimon Kirshti (bideoan agertzen diren hiru emakumeen izen-abizenak) besarkada bat bidaltzen diet. Gure bihotzak zuekin eta beste bahitu guztiekin daude", esan du Natanyahuk.
Hamasek zabaltzen duen bahituen bigarren bideoa da honakoa. Duela bi aste, beste emakume israeldar baten irudiak zabaldu zituen, hark ere askapena eskatuz.
Israelgo Armadaren lurreko indarrek Gazako Zerrendan barrena aurrera egiten jarraitzen dute, eta Gaza hiriaren kanpoaldera iritsi dira dagoeneko. Zehazki, Gazako Zerrenda iparraldetik hegoaldera zeharkatzen duen Salahedingo errepidera heldu dira.
Zure interesekoa izan daiteke
Erlojuaren aurka bila ari dira Venezuelan, lurrikarak izan ostean bizirik egon daitezkeenak erreskatatzeko
Nazioarteko lehen laguntza-taldeak eta baliabide logistikoak iristen eta zabaltzen hasi dira. Bitartean, hildakoen eta zaurituen kopuruak gora egiten jarraitzen du etengabe: azken datuen arabera, 1.000 inguru dira hildakoak eta 3.360 zauritu baino gehiago.
Israelek eta Libanok bake akordioa lortu dute Estatu Batuen bitartekaritzarekin
Benjamin Netanyahuk iragarri duenez, Washingtonen lortutako akordioaren ostean, Libano hegoaldean dauden indar israeldarrak bi eremutatik erretiratuko dira. Hezbollah-ek, bere aldetik, ez du akordioa onartu.
Bi euskal herritar desagertuta jarraitzen dute Venezuelako lurrikaren ostean
Zehazki, emakume donostiar bat eta gizon bilbotar bat dira. Orduak igaro ahala, senideek eta hurbilekoek badakite bizirik aurkitzeko aukerak murriztu egiten direla, baina onik topatzeko itxaropenari eusten diote. Bestalde, atzo baieztatu zen Alazne Solabarrieta euskal jatorriko emakumearen heriotza.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.