Gutxienez 157 pertsona hil eta 197 zauritu dira lurrikara baten ondorioz, Nepalen
Gutxienez 157 pertsona hil eta 197 zauritu dira Richter eskalan 6,4ko indarra izan duen lurrikara batek Nepal mendebaldea jota, iturri ofizialetatik jakinarazi dutenez. Krishna Prasad Bhandari Nepalgo Armadaren bozeramaileak esan du erreskate lanak abiatu dituztela, eta hainbat pertsona hil edo zauritzeaz gain, eraikin asko kaltetu direla, eta, ondorioz, litekeena dela hildako gehiago aurkitzea.
Gauerdi aldera izan da lurrikara, 6,4 gradukoa (AEBko Zerbitzu Geologikoaren arabera, 5,6koa), eta Jajarkoten izan du erdigunea, Nepalgo Lurrikaren Zentroaren arabera. Rukum mendebaldeko distrituan ere izan du eragina dardarak. Errepidez iristeko zailak diren bi eremu menditsu dira aipatu bi distrituak, Rukum eta Jajarkot.
"Katmandu eta Nepalgunj hirietatik medikuak eta bilaketako eta erreskateko ofizialak eraman ditugu helikopteroz", zehaztu du Bhandarik, eta hildako gehien, 95, Jajarkoten aurkitu dituztela jakinarazi du.
Nepalen ohikoak izan dira azken urteotan hondamendi naturalak. 2015eko apirilaren 25ean, esaterako, 7,8 graduko lurrikara bat izan zuten, eta 9.000 pertsona hil eta 22.000 zauritu ziren. Gainera, milaka eta milaka pertsona etxebizitzarik gabe geratu ziren, eta egun, 8 urte geroago, oraindik ez dituzte berreraikitzeko lanak amaitu.
Zure interesekoa izan daiteke
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.