AEBk berriz ere blokeatu du Gazan berehalako su-etena eskatzeko Nazio Batuen ebazpena
AEBk berriz ere blokeatu du Gazan berehalako su-etena eskatzeko Nazio Batuen Segurtasun Kontseiluan aurkeztutako ebazpena. Arabiar Emirerri Batuek aurkeztu dute eskaera, eta 24 orduan 97 herrialde kidek babestu dute.
Kontseiluko 13 kidek egin dute eskaeraren alde. Erresuma Batua abstenitu egin da.
Gazan gerra hasi zenetik bigarren aldiz blokeatu du AEBk horrelako ebazpen bat. Aurrekoa urriaren 18an blokeatu zuen, Israelekin bat eginez.
Bozketa egin baino lehen, Robert Wood AEBk Nazio Batuen Erakundean duen enbaxadore laguntzaileak aurreratu du ez duela Guterresen ekimena babestuko. "Su-eten batek gerrarekin amaituko luke gaur, baina gatazkak jarraituko luke", esan du.
AEBko ordezkariak deitoratu egin du Hamasen "erasoak gaitzesteko orduan Kontseiluak porrot egin izana", eta "ganberaren eta errealitatearen arteko deskonexioa" azpimarratu du.
"AEBk bake iraunkorra babesten badu ere, ez dugu berehalako su-etenerako deia babestuko, Hamas ez baita ez bake iraunkor baten ez bi estaturen konponbide baten bila ari", adierazi du Woodek.
Horrela, AEBk hoztu egin du Segurtasun Kontseiluak su-etenerako deia egiteko itxaropena.
Iturri diplomatikoek Bloombergi azaldu diotenez, bozketa 23:30era atzeratu dute, AEB konbentzitzeko Segurtasun Kontseiluko kide iraunkor gisa beto eskubidea erabil ez dezan.
Ekiteko unea dela esan du Guterresek
"Gazako herritarrak amildegiaren aurrean daude", adierazi dio gaur Antonio Guterres Nazio Batuen Erakundearen (NBE) idazkari nagusiak Segurtasun Kontseiluari, Gazako gerra amaitzeko eskaria egiteko deitu duen saio berezian. 17.000 palestinar eta 1.000 israeldar baino gehiago hil dituzte jada gatazka gogortu zenetik.
"Munduaren begiak, eta Historiarenak, begira ditugu. Ekiteko unea da", berretsi du Guterresek, su-etenaren inguruko ebazpen baten onarpena AEBren oztopoengatik kolokan jarri ostean.
"Nazioarteko lege humanitarioa ezin da modu selektiboan aplikatu. Loteslea da denentzat, une oro, eta betebeharra ez da aldebikotasunaren araberakoa", gogorarazi du NBEren gutunaren 99. artikulua baliatuta deitu duen saioan. Segurtasun mehatxu larria dagoenean du NBEren idazkari nagusiak aparteko saioa deitzeko eskumena.
Hamasek "gerra legeak urratu" izanak "ez ditu Israelek egindako urraketak barkatzen", berretsi du.
Gazako egoeran "ordena publikoaren kolapsoa gerta daiteke, eta denborak aurrera egin ahala, ondorioak are larriagoak izan daitezke eskualde osoan, masen lekualdaketa dela medio", ohartarazi du.
Guterresen hitzetan, etxebizitzen % 60 suntsituta edo kaltetuta daude, eta horrek Gazako herritarren % 85 lekualdatzea eragin du: "Gazako herritarrei lekualdatzeko agindua ematen diete, animaliak balira bezala, leku batetik bestera, geroz eta estuago, bizirauteko oinarrizko beharrak asetzeko gai izan gabe".
Gazako suntsipenaren datu batzuk ere jarri ditu mahai gainean: 339 eskola, 26 ospitale, 56 osasun zentro, 88 meskita eta 3 eliza suntsitu dituzte "lurretik, itsasotik eta airetik egindako erasoen ondorioz".
Albiste gehiago mundua
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.