Ukraina eta Moldavia EBra batzeko negoziazioak irekitzea erabaki dute
Viktor Orban Hungariako lehen ministroak Ukrainarekin negoziazioak hasteari buruz adierazi zituen mesfidantzak gorabehera, Europar Batasuneko (EB) buruzagiek adostu dute Ukrainarekin eta Moldaviarekin bat egiteko negoziazioak hastea. Hala esan du Charles Michel erakundeko presidenteak X sare sozialaren bidez, Bruselan egiten ari diren goi-bileraren ostean.
Orbanek azaldu du Hungariak ez duela bozketan parte hartu, "erabaki okerra" dela iritzita. "Hungariak erabaki du 26ek (Hungariak EBn dituen bazkideek) bide hori jarraitu nahi badute, egin dezatela. Hungariak ez du erabaki oker horren parte izan nahi, eta horregatik ez da bozketan egon", adierazi du agintariak Facebook sare sozialean argitaratutako bideo batean.
Era berean, Georgiari hautagai estatusa eman diotela eta Bosnia-Herzegovinarekin negoziazioak hasiko dituztela adierazi du Michelek, "behin bazkide-irizpideak betetzen dituenean".
Ildo horretan, gaineratu du Europako Kontseiluak Europako Batzordea gonbidatu duela martxoa baino lehen informazioa ematera, erabaki hori hartzeko asmoz. "Itxaropen seinale argia beren herrientzat eta gure kontinentearentzat", azpimarratu du Michelek.
Orbanen beto-mehatxua
Orbanek asteetan ziurtatu zuen ez zuela babestuko Ukraina EBn sartzeko negoziazioak hastea. Goi-bileraren aurretik, buruzagi hungariarra Europako hainbat agintarirekin bildu da, hala nola Emmanuel Macron Frantziako presidentearekin eta Olaf Scholz Alemaniako kantzilerrarekin, zeinak negoziazioei eta Bruselak Ukrainari agindu dizkion 50.000 milioi euroei betoa kentzeko konbentzitzen saiatu ziren.
Orain, bideoan, Orbanek berretsi du "Hungariaren jarrera argia" dela eta ez dela aldatu, eta azpimarratu du Ukraina ez dagoela prest atxikimendu negoziazioak hasteko.
Europako Batzordeak proposatutako 2023-2027 aldirako Ukrainari emandako 50.000 milioi euroko laguntza paketearen aurka ere agertu da Orban, datozen lau urteetarako urte anitzeko aurrekontu komunitarioaren berrikuspenean kokatzen baitu, Kievi finantza-laguntza aurreikusteko modukoa egiteko.
Zure interesekoa izan daiteke
Lau ekintzaile atxilotu dituzte Londresko Dorreko bitxien aurka janaria jaurtitzeagatik
Ekintza horrekin, Erresuma Batua “muturreko aberastasuna zergapetu eta konpontzeko” herritarren batzar bat ezartzeko eskatu nahi izan dio Take Back Power taldeak Erresuma Batuko Gobernuari. Sare sozialetan zabaldu dituzte horren irudiak, eta aretoa itxi dute, kalteak ikertu arte.
Migrazio politikak Europako zibilizazioa "ezabatzen" ari direla esan du Trumpek
Segurtasun Nazionalari buruzko txosten batean, bere egin ditu Europako eskuin-muturreko mugimenduen diskurtsoak.
Alemaniako Parlamentuak argi berdea eman dio soldadutzaren lege berriari
Legearen zirriborroan jasotakoaren arabera, nahitaezko errekrutamendua aktibatuko da, egoerak hala eskatzen badu eta nahikoa boluntario erakartzea lortzen ez bada.
Israelek 366 palestinar hil ditu su-etena indarrean sartu zenetik
Israelgo armadak palestinarrei tiro egiten jarraitzen du "lerro horia" deituriko mugatik, gehiegi hurbiltzen direla argudiatuz. Herritar gehienek ez dituzte muga horiek ezagutzen.
AEB eta Txina, Hego Pazifikoko uharteak kontrolatzeko lehia bizian. Zergatik?
Ozeano Barea Asia eta Amerika arteko itsaso handi-handia da. Han zehar itsasbideak, urpeko kableak eta era guztietako merkataritza trafikoa daude, etengabe. Horregatik, bide horiek bereganatu nahi dituzten potentziek ezinbestekoa dute ozeano erraldoi horretan dauden irlak kontrolatzea, base logistikoak, eta, kasu askotan, militarrak direlako. Hain zuzen, Estatu Batuek eta Txinak Pazifikoko 14 herrialde horiek kontrolatzeko sokatiran ari dira. Papua Ginea Berria milioi bat biztanle duen uharte bakarra da; txikiena, Niuee izeneko uhartea, ez da 2.000 biztanlera ere iristen. 14 horietatik 11 Txinarekin daude lerratuta. Hiruk baino ez dute Taiwanen subiranotasuna aitortzen. Batzuek, Papua Ginea Berria kasu, Estatu Batuekiko segurtasun akordioei eusten diete, beste batzuek, ordea, Txinarekin defentsa akordioak sinatu dituzte. Horren adibide da Salomon Uhartea. Mikel Reparaz, EITBren nazioarteko burua, han izan da.
Epsteinen uharte pribatuko irudi argitaragabeak, hemen
Estatu Batuetako Ordezkarien Ganberako demokratek Jeffrey Epstein pederastaren Birjina uharteetako irla pribatuko argazki eta bideo argitaragabeak kaleratu dituzte. Irudietan etxeko logelak eta komunak agertzen dira, baita dentista-aulki bat duen gela bat ere, hormetan maskarak eskegita dituela. "Pedofiliaren uhartea" 90eko hamarkadan erosi zuen Epsteinek, eta egoitza pribatu gisa erabiltzen zuen.
Madurok konfirmatu egin du Trumpekin hitz egin duela: "Azkenaldian, askotan nabil ingelesez hitz egiten"
Nicolas Maduro Venezuelako presidenteak baieztatu egin du Donald Trump AEBko gobernuburuarekin hitz egin duela, herrialde horrek Kariben duen hedapen militarrak eragindako tentsioen eta nazio pretroliogilearen aire-konektibitatearen krisiaren erdian. Maduroren arabera, Etxe Zuria Miraflores jauregiarekin harremanetan jarri zen duela "hamar bat egun"; azaroaren 23an beharbada, baina ez du data zehatzik eman.
Gazan, 54 bikotek bizitza ospatzea erabaki dute, ezkontza handi-handia eginda
Bi urtez Israelen eraso etengabeak pairatu ostean, sarraskia atzean utzi eta ospakizunari ateak ireki dizkiote Gazan. 54 bikote ezkondu dira bonbardaketek txikitutako eraikinen artean. Ekitaldia Arabiar Emirerri Batuek antolatu dute, eta esperantzaren sinbolotzat hartu.
EBk erabaki du 2027rako Errusiako gas naturala inportatzeari uztea
Hungariak eta Eslovakiak iragarri dute plana Europar Batasuneko Justizia Auzitegira eramango dutela.
Zergatik da Groenlandia giltzarria lur arraroen lasterketan?
Groenlandian ustiatu gabeko lur arraroen aztarnategi handienetako batzuk daude. Ezinbesteko elementuak dira garapen teknologikorako, eta, hori dela eta, guztiek dute begiz jota Artikoko lurralde hori. Baina, zer nahi dute Groenlandiako biztanleek beren etorkizunerako? Mikel Reparaz, ETBko nazioarteko burua, han izan da.