Espainiak ez du parte hartuko AEBk Itsaso Gorrian matxino huthien aurka abiarazitako nazioarteko misioan
Espainiako Defentsa Ministerioak larunbat honetan azpimarratu duenez, ez du parte hartuko AEBk Itsaso Gorrian itsas trafikoaren segurtasuna bermatzeko abiatutako operazioan, eta helburu horretan "eraginkortasun handiena" lortzeko Europa mailako "misio berri eta espezifiko bat" sortzea proposatu du.
Margarita Roblesek zuzentzen duen departamentuak berretsi egin du aurretik esandakoa, hau da, ez duela parte hartuko matxino huthiek Itsaso Gorrian igarotzen diren ontziei egindako erasoei erantzuteko AEBk iragarritako 'Oparotasunaren Zaindaria' operazioan.
Ministerioak ukatu egin du Espainiak Itsaso Gorrian EBren misio bat egiteko betorik jarri izana. Are gehiago, azaldu duenez, "Itsaso Gorrian lortu nahi den eraginkortasunik handiena izateko", "ezinbestekoa" da "EBko erakundeek adostutako misio berri eta espezifiko bat sortzea, irismen, bitarteko eta helburu propioekin", eta "Espainia ez dago EBk misio bat sortzearen aurka", gaineratu du.
Ohar baten bidez zabaldutakoaren arabera, "Espainia aliatu serio eta fidagarria da eta izango da beti, EBrekin, NATOrekin eta NBErekin konprometitua (...). Espainiak eta bere Indar Armatuek bakearekin duten konpromisoa erabatekoa" da. Baina Espainiak ez du nahi 'Atalanta' itsas operazioaren agindua aldatu behar izaterik beste misio batean laguntzeko, eta, hain zuzen ere, Europako Batasunaren erabaki hori da Espainiak blokeatu duena, bere beto eskubidea erabilita.
Itsaso Gorrian itsas segurtasuna bermatzeko helburua duen edozein misiok, Ministerioaren esanetan, "berezko izaera duen misio espezifikoa izan behar du, nahi duten Europako herrialdeetako Itsas Indarrek parte har dezaten, eta ez 'Atalanta' operazioaren hedapen hutsa".
Izan ere, gogorarazi duenez, 'Atalanta' operazioa Espainiak Indiako ozeanoan pirateriaren aurka martxan duen operazioa da, Espainiak bakarrik gidatua, eta Victoria fragata ari da misio horretan.
Hori horrela izanik, "begi bistakoa da Indiako ozeanoko pirateriaren aurkako 'Atalanta' misioaren izaerak eta helburuek ez dutela zerikusirik Itsaso Gorrian lortu nahi direnekin", erantsi du.
"Hori dela eta, Espainiak 'Atalanta' operazioa babestu nahi du, egungo helburu, hedapen eta irismena mantenduta, Indiako ozeanoan pirateriaren aurkako borrokak, azken egunotan ikusten ari garen bezala (bi ontzi hartu dituzte piratek oso denbora laburrean), ahalik eta dedikazio handiena eskatzen baitu", azaldu du.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.