Gutxienez 18 palestinar hil ditu Israelek Nuseirateko errefuxiatuen kanpalekuan egindako erasoan, Gazan
Gutxienez 18 palestinar, tartean haurrak, hil ditu ostiral arratsaldean Israelgo Armadak Nuseirateko errefuxiatu-esparruan, Gazako Zerrendaren erdialdean, etxebizitza baten aurka egindako bonbardaketan.
Erasoak, gainera, dozenaka zauritu utzi ditu, Wafa albiste-agentzia palestinarraren arabera.
Gainera, Nazio Batuen Garapenerako Programako (PNUD) langile bat hil dute ostiral honetan Gaza hirian, haren etxea airez bonbardatuta, NBEk gatazkari buruz egindako eguneroko txostenean azaldu duenez. Eraso horren ondorioz, langilearen 70 senide hil dira, haren emaztea eta bost seme-alaba tartean.
NBEren txostenaren arabera, urriaren 7tik Nazio Batuen Errefuxiatu Palestinarrentzako Agentziako (UNRWA) 134 langile eta Munduko Osasun Erakundeko (MOE) langile bat hil dira Gazan, 1945ean sortu zirenetik gatazka bakar batean hil den Nazio Batuen langile kopuru handiena.
Horrez gain, 82 kazetari, 310 mediku eta babes zibileko unitateetako 20 kide ere hil dira Israelek Gazan egindako erasoetan, Nazio Batuen Erakundeak iturri palestinarrak aipatuta adierazi duenez.
Bestalde, txosten horrek eta Palestinako Ilargi Gorriak salatu dutenez, beste "bonbardaketa gogor bat" izan da Al Amal ospitalearen inguruan, Khan Yunis hiriaren hegoaldean, ostiralean. Ez da biktimarik izan, baina kalteak izan dira osasun-instalazioetan, eta bi ospitaleetan dauden pazienteen eta barne-desplazatuen artean izua eragin dute.
Ostiralean egindako beste erasoaldi batean, Israelgo hegazkinek ura gatzgabetzeko planta bat ere suntsitu dute Jabalia hirian, Gazako Zerrendaren iparraldean.
Zure interesekoa izan daiteke
Milioika lagunek eman diote azken agurra Ali Khameneiri
Mendekua eta Donald Trump Ameriketako Estatu Batuetako Presindetearen heriotza eskatuz, ehunka milaka dira gaur ere Ali Khameneiri azken agurra ematen ari direnak Teheranen. Haren hiru seme ikusi ahal izen dira hilkutxaren aldamenean otoiz egiten, baina ez haren ondorengo izendatu zuten Motjaba Khamenei.
Trumpek AEBren handitasuna goraipatu du independentziaren 250. urteurrenean: "Inor ezin da gu bezalakoa izan"
Agintariak aukera aprobetxatu du herrialdeko "komunisten" aurka egiteko eta bere hauteskunde erreforma polemikoa sustatzeko.
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.
Aita santuak omenaldia egin die hildako migratzaileei Lampedusan, eta Frantziskoren ondarea omentzea eskertu du
Leon XIV .a aita santuak larunbat honetan Italiako Lampedusa uhartera egindako bisitan esan duenez, Mediterraneo itsasoan izandako milaka hildakoak "hartutako erabakien" eta "ahaztutako erabakien" biktima dira, eta migrazio dramaren aurrean axolagabekeria salatu zuen.
Ehunka mila pertsona parte hartzen ari dira Khameneiren hileta publikoan
Asteburu osoan milioika pertsona espero dira, eta astelehenean Irango hiriburua zeharkatuko du segizioak; asteartean Qom hiri santura joango da, eta asteazkenean Iraken jarraituko du, ostegunean lurperatu aurretik.
AEBk inoiz izan duen hedapen handiena duela goraipatu du Trumpek Independentziaren Egunean
AEBren nagusitasun militarra aldarrikatu du Trumpek, baita XX. mendeko gatazka handietan izan duen paper historikoa ere: "Armadarik indartsuena eta boteretsuena sortu dugu".
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.