Bill Clinton, Trump edo Ingalaterrako Andres, Epstein auziko dokumentuetan agertu diren izenen artean
Loreta Preska New Yorkeko epaileak Jeffrey Epstein auziarekin lotutako 2.000 orrialde baino gehiago desklasifikatzeko agindua eman du gaur. Epsteini pedofilia eta adingabeen trafikoa leporatu zizkioten. Desklasifikatutako dokumentu horietan, Ingalaterrako Andres printzea, Bill Clinton eta Donald Trumpen izenak agertzen dira, besteak beste.
Paper horietan beste izen batzuk aipatzen dira, hala nola Michael Jackson abeslari zenarena, David Cooperfield magoarena edo Stephen Hawking astrofisikariarena. Hala ere, haien aurkako salaketa zehatzik ez dago.
Dokumentuetan beste 200 izen ager daitezkeela ohartarazi dute, eta horien artean Epsteinen biktimak, enpresaburu nabarmenak eta figura politikoak daude, CNN telebista-kateak argitaratu duenez.
Txosten horiek Virginia Giuffrek Ghislaine Maxwellen aurka, Epsteinen neska-lagun ohiaren aurka, aurkeztutako 2015eko difamazio-kasu baten parte dira. Dokumentuen artean, Giuffre eta Maxwellen deklarazio batzuk daude, baita Johanna Sjoberg Epsteinen beste biktimetako baten adierazpen bat ere. Azken honek, Ingalaterrako Andres printzeak bularrak ukitu zizkiola deklaratu zuen. Salaketa hau ezaguna bada ere, dokumentu judizialean agertzen den lehen aldia da.
Sjobergek, halaber, Epsteinek Bill Clinton AEBko presidente ohiari "gazteak gustatzen zitzaizkiola, neskei erreferentzia eginez" esan ziola ere adierazi zuen, dokumentuetako batean irakur daitekeenez. Clintonek dio ez zekiela ezer bere krimenei buruz.
Dokumentuetan agertzeak ez dakar inolako erruduntasunik, mezu elektronikoak eta biktimen edo lekukoen adierazpenak biltzen baitira bertan. Adingabeak zirenen edo adierazpen publikorik egin ez dutenen identitatea ezkutatuta egongo da.
Epsteinek bere buruaz beste egin zuen 2019an, New Yorkeko espetxe federal batean. Epaiketa zain zegoen, ustez adingabeen sexu-trafikoko sare bat sortzeagatik Sagar Handian eta Floridan dituen etxeetan. Neska gazteenek 14 urte zituzten, Fiskaltzaren arabera.
Albiste gehiago mundua
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.
60.000 pertsona inguru manifestatu dira Tel Aviven, Gazan bahituen bideoak zabaldu ostean
Gazako gatibuak Israelera bueltan eramango dituen su-eten akordio bat eskatu dute, ohi baino jende gehiagorekin egindako protesta jendetsuan, horien bideo batzuk zabaldu ostean. Bideo horietan, bahituek muturreko argaltasuna erakusten dute eta akordio bat eskatzen diete agintariei. Israelek 104 pertsona hil ditu azken orduotan Gazako Zerrendan.
Hamasek dio ez dela desarmatuko Estatu palestinar bat ezarri arte
Horrela erantzuten dio Steve Witkoff AEBk Ekialde Hurbilean duen mandatariari, talde islamista armak uzteko prest zegoela esan ondoren.