Alemaniako enpresariak kezkatuta daude eskuin muturraren igoerarekin
Abenduaren amaieran emandako alerta honek orain indar gehiago hartzen du, azken inkesten arabera, eskuin muturra hartzen ari den indarragatik. % 37ko boto asmoarekin, Alemaniarako Alternatiba, AfD, lehen indarra izango litzateke Saxoian udazken honetan egingo diren hauteskundeetan. Maila federalean AfDk botoen % 23 hartuko lituzke, azken hauteskundeetan baino % 10 gehiago.
Nekazarien manifestazioetan eskuin muturraren infiltrazioak ere kezkak sortzen dizkio Joachin Rukwied Nekazarien Batasuneko presidenteari.
Patronalari kezkak sortzen dizkio baita ere Alemaniako enpresen barnean eskuin muturrak duen gero eta presentzia handiagoak. Azken urtebeteetan hainbat eztabaida sortu dira Zentrum Automobileren, AfDtik hurbil dagoen sindikatuaren, inplantazioak Volkswagen, BMW, eta Porscheren lantegietan. Andre Schmidt soziologoak azaltzen duenez, eskuin muturreko sindikatu honen taktika da denbora gutxiago eman zuzendaritzarekin negoziaketetan, eta ostera, gehiago presentzia erakusten eta bere ordezkariak langileez arduratzen direla azaltzen. Horren aurrean, IG Metal sindikatu nagusiak erreakzionatu du parte hartze kanpainetan zentratuz, 35 orduko lan asteari buruzko eztabaidan, adibidez.
Eskuin muturra Alemaniako ekialdean da batez ere indartsua, lehenagoko Alemania komunistan sindikatuek kogestioaren arloan duten ahultasunagatik. Aktore ekonomikoek "Silicon Saxony" deitzen diote Dresdetik hurbil dagoen lurralde honi. Erdi-eroaleen industria garatzen den lurralde honetan kezkatuta daude, eskuin muturraren gorakada dela eta, atzerriko langile prestatuak erakartzeko aukera geratu egiten delako.
Baina Alemaniako enpresa guztiek ez dute beti izan jarrera berdina eskuin muturraren aurrean. Alemaniako prentsak azaldu duenez, Müller, esnekien enpresa nagusiko agintariak eta AfDko buruzagiek harreman onak izan dituzte.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.