Mobilizazioak Frantzian
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Laborariek Paris inguruko autobideak blokeatzen jarraitzen dute, Rungisko azokari "setioa" ezartzea helburu

Ostegunera arte behintzat protestan jarraituko dutela hitzeman dute. Tentsioa baretu nahian, Macronek iragarri du Ukrainako zereal eta hegaztien inportazioak mugatzea eskatu duela Bruselan, eta Attalek agindu du Frantziako nekazaritza defendatzen jarraituko duela.
Laborariek traktoreak eta kamioiak jarri dituzte errepideak trabatzen.
Laborariek traktoreak eta kamioiak jarri dituzte errepideak trabatzen. EFE
author image

EITB MEDIA

Azken eguneratzea

10. egunez jarraian, protestan dira Frantziako laborariak. Soldata altuagoak, zerga gutxiago eta izapide administratiboak arintzea eskatzen dute, besteak beste. Azken bi egunotan Paris hiriburuko sarbideko errepideak blokeatzen dihardute, baina atzo ez bezala, gaur jendarmeak topatu dituzte bidean aurrera egitea oztopatuta. 

Nekazariek Rungisko nazioarteko azoka blokeatu nahi dute. Hiriburutik 10 kilometro eskasera dago, eta Frantziako handiena da. Polizia dispositibo zabala prestatu du Frantziako Gobernuak, eta 15.000 agente inguru daude errepideak zaintzen. Gerald Darmanin Barne ministroak ohartarazi duenez, ez diete hiriburura, Rungisera edo aireportuetara sartzen utziko. 

Laborariek, baina, lehenengo lepotik dute burua eta presionatzen jarraituko dutela iragarri dute, ostegunera arte bai behintzat. Orduan da egitekoa Europar Batasuneko goi bilera, eta Mercosurrekin ituna ixteko negoziazioetan dago Europako Batzordea. 

Hain justu, Emmanuel Macronek akordioa ez sinatzea eskatu du, "lehia desleiala" saihesteko. Frantziako presidenteak Suedatik agindu du neurri zehatzak eskatuko dituela etziko bilera. Besteak beste, Ukrainako zereal eta hegaztien inportazioak mugatzea. 

Parlamentuan, Gabriel Attal lehen ministroak Frantziako nekazaritzaren defentsa irmoa egin du.  "Nekazaritzak indarra eta harrotasuna ematen digu. Frantziako nekazaritza ikurra da, eta hala izaten jarraitu beharko du", adierazi du. 

Martxoaren 15erako Europako dirulaguntzak ordainduko direla ere agindu du Attalek. 

Lehen ministroa bihar, asteazkenarekin, bilduko da berriro laborarien sindikatuekin. 

Munduko albisteak Europar Batasuna París Frantzia Eguneko Titularrak Emmanuel Macron Manifestazioak Nekazaritza Lan gatazkak Frantziako Gobernua

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X