Lehorreratu dituzte Gazan 'Open Arms' ontziak zeramatzan elikagaiak
Open Arms ontziak deskargatu ditu dagoeneko Gazako kostaldera eramandako elikagaiak. Horrekin batera elkarlanean aritu den World Central Kitchen gobernuz kanpoko erakundeak azaldu duenez, behin elikagaiak deskargatuta, banatzeari ekingo diote.
Iragan asteartean atera zen Larnakako (Zipre) portutik ontzia, eta atzo heldu zen Gazako Zerrendara, itsas korridore bat eratzeko asmoarekin.
Lehen saioa ondo joan dela ikusita, bigarren bidalketa bat prestatzen ari dira. Oraingoz, baina, ez dute argitu noiz irtengo den berriro ontzia, nahiz eta aurreratu duten 240 tona jaki eramango dituztela.
Alemania ere laguntza bidaltzen hasi da
Luftwaffe Alemaniako Aire Armadak gaur bidali du airez lehen kargamentua, Israelek erasoaldia abiatu zuenetik sei hilabete bete direnean.
Defentsa Ministerioak jakinarazi duenez, jausgailuak erabili dituzte laguntza Gazako Zerrendara helarazteko.
2 urtetik beherako hiru umetik batek desnutrizioa dauka
Gazan bizi diren bi urtez azpiko hiru umetik batek (% 31) desnutrizio handia dauka, UNICEFek jakitera eman duenez. Otsaileko datuak dira horiek, eta urtarrilekoak baino askoz okerragoak dira, adin horretako umeen % 15,6k baitzuten orduan desnutrizio handia.
Iturri horren arabera, 23 haur hil ditu goseak eta egarriak azken asteotan. Guztira, 13.450 ume zendu dira Gazako Zerrendan Israelek erasoaldia hasi zuenetik.
Guztira, 31.500 pertsona hil dira
"Azken orduetan, gainera, nabarmen egin du gora bertan hil diren pertsonen kopuruak (31.553), baita zaurituenak ere (73.546)", esan du Hamasen esku dagoen Osasun Ministerioak.
"Israelen okupazioak zazpi familia hil ditu: 63 martiri eta 112 zauritu, 24 orduan", adierazi du ohar baten bidez.
Zure interesekoa izan daiteke
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta bi atxilotu horiek badaezpadako kartzelaldian daude.
Fronte Polisarioak errefusatu egin du NBEren ebazpena, eta "autodeterminazio eskubidea" aldarrikatu du baldintza "negoziaezin" gisa
Mendebaldeko Sahararen nazio askapenerako mugimenduak salatu duenez, "Marokoren okupazioa legitimatu egiten du" autonomia proposamenak.
Mohamed VI .ak dio Marokok "kapitulu berri bat" ireki duela Mendebaldeko Sahararako bere planak NBEren babesa jaso ondoren
Marokoko erregeak Tindufen errefuxiatuta dauden sahararrei dei egin die "aukera historiko hau" aprobetxa dezaten "familiekin biltzeko", eta Aljeriako presidenteari "elkarrizketa zintzoa eta anaiartekoa" egiteko eskatu dio.