Moskuko atentatuagatik atxilotutako lau auzipetu dituzte terrorismoa egotzita
Moskuko Basmanny barrutiko auzitegiak ebatzi duenez, ostiralean Crocus City Hall kontzertu-aretoan izandako erasoarekin lotura dutelakoan atxilotutako lau pertsona behin-behineko kartzelaldian izango dira bi hilabetez, epaiketaren zain, Interfax albiste-agentziak zabaldu duenez. Denei terrorismoa leporatu diete.
11 pertsona atxilotu dituzte, guztira, Errusiako indar armatuek. Tartean, atentatuaren ustezko egile zuzenak, kontzertu-aretotik ihes egin eta Bryansk eskualdean, Moskutik 340 bat kilometrora, atxilotu zituzten lau gizon armatuak.
Moskuko epaitegiak ateak itxita egin ditu auzi saioak, ikerketa sekretupean dagoela eta.
Atxilotutako lauek itzulpen zerbitzua eskatu dute, laurek tajiko hizkuntza hitz egiten dute eta (Tajikistanen eta Uzbekistanen berba egiten den persieraren aldaera). Denek zituzten lesio zantzuak, batez ere hematomak aurpegian.
Deklaratzen azkena esku-ohean eraman dute, larrialdi zerbitzuak ondoan zituela, Interfax albiste agentzia errusiarrak zehaztu duenez. Errusiako agintarien arabera, laruek onartu dute errudun direla.
Estatu Islamikoa talde jihadistak bere gain hartu du atentatua, baina Putinek Ukrainaren parte-hartzea izan denaren susmoa zabaldu du, Zelenskik berehala ukatu duena.
Testuinguru honetan, dozenaka misilekin eraso dio Errusiak Ukrainari igande honetan, Moskuko atentatuarekin zerikusia izan duela iradoki ostean.
Albiste gehiago mundua
Greba eta manifestazio eguna Frantzian, aurrekontu-doikuntza bertan behera uzteko eskatuz
Dozenaka pertsona atxilotu dituzte goizeko lehen zatian Frantzian, blokeo saiakeretan parte hartzeagatik.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.