Espainiak uztaila baino lehen aitortuko dio estatu izaera Palestinari, Sanchezek aurreratu duenez
Espainiak Palestinari estatu izaera aitortzeari data jarri dio Pedro Sanchez Espainiako presidenteak: uztaila baino lehen. Izan ere, argudiatu duenez, datozen hilabeteotan nazioartean hainbat gertakari garrantzitsu izango dira, eta horiei esker, herrialde gehiagok egingo dute bat aitortzarekin.
Hain justu, Ekialde Hurbilera bidaia hasi du Sanchezek. Jordanian, Saudi Arabian eta Katarren izango da gobernuburua, Gazako egoerari aterabidea bilatu nahian.
Bidaia jarraitzen ari diren kazetariekin egindako solasaldi batean egin ditu adierazpenok Sanchezek. Buruzagi sozialistak esana zuen legegintzaldi honetan emango zuela pausoa, eta martxoaren 22an Irlanda, Malta eta Esloveniarekin bilera egin zuen Bruselan auzian aurrera egiteko.
Gogorarazi duenez, erabakia ministroen kontseiluak hartzen du, eta ez da ganberen babesik behar. Dena dela, argitu du jakinaren gainean jarriko dituela Kongresua eta Senatua.
Sanchezen aburuz, apirila eta ekaina artean nazioartean gertakari garrantzitsuak gertatuko dira Israelen eta Hamasen gatazkaren harira, eta Nazio Batuen eztabaidei adi egoteko gomendatu du.
Espainiako presidenteak ez luke nahi aitortza isolatua izatea, eta uste du hainbat herrialdek eginda gatazkarentzat mesedegarria litzatekeela.
Arabiako herrialdeen iritzia bertatik bertara jasotzeko
Ekialde Hurbileko gatazka konpontzeko dituzten ideiak Arabiako agintarien ahotik jaso nahi ditu Sanchezek, eta bakerako bidean, Espainiak egin dezakeen ekarpena norainokoa den zehaztu. Hori da, hain justu, bidaiaren helburua.
Besteak beste, honakoak defendatuko ditu Espainiako gobernuburuak: Gazako hondamendi humanitarioa amaitzeko su-etena ezartzea, bi estatuen irtenbidea bideratuko duen bake konferentzia bultzatzea, Palestinako errefuxiatuen NBEren agentziaren eginkizuna babestea eta Hamasek bahitutakoak aske uztea.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.