Sanchezek Palestinako Estatua aitortzeko proposatuko du Gorteetan legegintzaldi honetan
Pedro Sanchez Espainiako Gobernuko presidente eta PSOEko idazkari nagusiak iragarri duenez, legegintzaldi honetan "Palestinako Estatua aitortzeko" proposatuko du Gorteetan, "bi estatuak bakean eta segurtasunean elkarrekin bizitzeko modu bakarra delako".
PSOEk larunbat honetan Bilbon 'Eskubideak, demokrazia, askatasuna: Jose Luis Rodriguez Zapateroren lehen hauteskunde garaipenetik 20 urte' lelopean egindako ekitaldian, Sanchezek M11ko atentatu islamisten inguruan "gezur handi bat" eraiki izana leporatu dio eskuinari. Azpimarratu duenez, Jose Luis Rodriguez Zapaterok utzitako "ondarea" Espainiako Gobernuak gaur egun Ukrainan eta Gazan defendatzen duena da, "Errusiak eta Israelek nazioarteko zuzenbidea errespetatzea", alegia.
Laguntza humanitarioa Gazara iristea eskatu ostean, Sanchezek iragarri du legealdi honetan "Palestinako Estatua aitortzeko" proposatuko duela Gorteetan. "Bidezko kausa baten alde egingo dugu, eta bi estatuak bakean eta segurtasunean elkarrekin bizitzeko modu bakarra delako", adierazi du Israel eta Palestinaren arteko gatazkaz mintzatuta.
Amnistiari buruz
Hitzaldiaren beste une batean, Pedro Sanchezek aitortu du "espainiar askok" zalantzak dituztela Amnistia Legearen inguruan, eta "konfiantza izateko" eskatu die, arau horrek "demokrazia eta Espainia indartsuagoak" egingo dituelako. Gainera, legez kanpokotzat jo zen urriaren 1eko Kataluniako independentzia erreferendumarekin "herrialde osoak 2017an jasan zuen dramaren eta trauma horren ondorio judizial guztiak gainditzeko" deia egin du.
Horrela, "Katalunian, Euskadin, Andaluzian, Extremaduran eta Espainia osoan indarrak herritarrei benetan axola zaizkien gauzetara bideratu" ahal izango direla uste du.
PPri leporatu dio lurraldeen arteko ezadostasunak erabiltzea "han eta hemen boto gutxi batzuk urratzen" saiatzeko.
Azaldu duenez, "agintari baten zeregina ez da beste alde batera begiratzea", baizik eta "erronkei aurre egitea", eta hori "eredu izanda, koherentziaz, eskuzabaltasunez eta adiskidetze jarrera batekin egitea".
Prostituzioari buruzko lege-proposamena
Pedro Sanchezen hitzetan, Pertsonen Salerosketaren Legea onartu ondoren, "laster" Talde Sozialistak Espainian prostituzioa desagerrarazteko lege-proposamena aurkeztuko du.
Espainiako presidenteak gaitzetsi egin du atzo, martxoak 8, Isabel Diaz Ayuso Madrilgo presidenteak Emakumeen Nazioarteko Egunaren ospakizuna "hutsaldu" izana, zer eta gizonaren eguna noiz ospatzen den galdetuz. Sanchezen iritziz, hitz horiekin aurretik "berdintasunaren eta feminismoaren alde" borrokatu diren milioika emakumeren kausa gutxietsi zuela uste du.
Bestetik, ustelkeriaren aurrean, Sanchezek bere alderdiaren jarrera aldarrikatu du, ustelkeria "errotik" mozten duelako, "halako jarrerak babesten dituen PPk ez bezala".
Zure interesekoa izan daiteke
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.
Zergatik alda dezake hesi berriak Ceutako mugaren kudeaketa?
Azpiegitura berriak 500 metro ditu, eta berehalako itzulketen inguruko auzi juridiko bati erantzun nahi dio.
Marlaskaren arabera, Maroko "ez da mehatxua", eta Ceutara iritsitako migratzaileek ezingo dute euren egoera erregularizatu
Barne ministroak adierazi du Espainiako Gobernua lanean ari dela uztailaren 30ekoa bezalako sarrera masiborik berriro gerta ez dadin, baina onartu du ezin duela bermatu halakorik berriro ez gertatzea.
Sanchezek EBko Barne ministroen premiazko bilera eskatu du, Ceutako migrazio krisiaren harira
Espainiako Gobernuko presidenteak "kezka larria" helarazi dio Ursula von der Leyeni Europako zenbait gobernuren erreakzioagatik, eta Italiak iragarritako mugen itxiera gogor kritikatu du.
Espainiako Gobernuak hesi bat jarri du Ceutan, mugako morruan
Auzitegi Gorenak ebatzi zuen "mugako elementuak" gainditzen dituztenak bakarrik itzul daitezkeela heldu eta berehala. Hesia jarrita baldintza hori bete nahi dute.
Milaka migratzaile Marokora itzuli dira jada, Ceutara masiboki iritsi ondoren
Armadak bere tankeak jarri ditu kai-muturretik hirirako sarbidean, sakabanatzea eragozteko. Hildako etorkinak 57 dira jada. Pedro Sanchezek Espainiaren lurralde-osotasuna urratu dutela salatu du Ceutatik.
Italiak Schengen akordioa eten du Espainiarekin, eta kontrolak ezarri ditu portu eta aireportuetan
Gutxienez hilabetez, kontrolak ezarriko dizkie Espainiatik doazen eta europar jatorria ez duten bidaiariei; Europar Batasuneko gainerako herrialdeetatik doazenek, berriz, ez dituzte kontrol horiek gainditu beharko.