Sanchezek ez du baztertu neurri diplomatikoak hartzea, Israelek emandako azalpenak "eskasak" direla iritzita
Pedro Sanchez Espainiako Gobernuko presidenteak ez du baztertzen Israelen aurrean neurri diplomatikoak hartzea, Jose Andres sukaldariaren gobernuz kanpoko erakundeari egindako erasoaren inguruan azalpen gehiagorik ematen ez badu. Sanchezen ahotan, orain arte emandakoak "guztiz onartezinak eta eskasak" dira.
Sanchezek azalpen gehiago eskatu ditu Mohammed bin Abdulrahman bin Jassim Al-Thani Qatarreko lehen ministroarekin egin duen agerraldian, Ekialde Hurbilean egin duen biraren azken egunean.
World Central Kitcheneko (WCK) langileen aurkako aire-erasoa astearte goizaldean egin zuten, gobernuburua Jordanian bisitan zegoela, eta handik "ikaratuta" agertu zen eraso "basati" horren aurrean. Era berean, Israeli azalpenak eskatu zizkion.
Israelgo Armadak eraso horri buruz egindako aurretiazko txostenaren arabera, ez zuen langile humanitarioak hiltzeko asmorik izan, eta erasoa "identifikazio oker" baten ondorio izan zen.
Sanchezen ustez, Israelgo Administrazioaren azalpenak "guztiz onartezinak eta eskasak" dira, eta bonbardaketaren zergatiari buruzko azalpen zehatzagoak ematea espero du.
Gainera, Sanchezek nabarmendu du, "orain arte ezagutzen denaren arabera", Israelgo Gobernuak bazekiela gobernuz kanpoko erakunde horrek Gazan egin behar zuen "ibilbidea".
Espainiako Gobernua Israelen aurrean erabaki diplomatikoren bat hartzeko aukera aztertzen ari ote den planteatzean, Tel Aviven azalpenen zain egoteko beharra azpimarratu du. "Hortik aurrera ikusiko dugu zer neurri hartuko ditugun Benjamin Netanyahuren Gobernuarekin", gaineratu du.
Bestalde, Sanchezek argi utzi du Palestina Estatu gisa "lehenbailehen" onartzeaz gain, "bakea lortzeko prozesuan ahalik eta eragin positiboena" izan dezan, Espainiako Gobernuak "Palestina Nazio Batuetan eskubide osoko kide gisa sartzea babestuko" duela.
NATOko idazkari nagusiaren gaitzespena
Jens Stoltenberg NATOko idazkari nagusiak Israelen erasoa gaitzetsi du. "Gazan orain ikusten ari garena hondamendi humanitarioa da. Sufrimendua ikusten dugu, zibilak hiltzen ari direla ikusten dugu, langile humanitarioen aurkako erasoak ere ikusten ditugu, eta nik gaitzetsi egiten dut", esan du aliantza militarreko Atzerri ministroen bileraren ostean.
Stoltenbergen ustez, erasoak "erakusten du gerrak ondorio larriak dituela Gazan bizi diren errugabeen aurka eta baita langile humanitarioen aurka ere".
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.