NBEko errelatoreak: "Israelek Nazioarteko Zuzenbidea urratu zuen Irango Kontsulatuaren aurkako erasoan"
Nazio Batuen Erakundeko errelatoreek gaur azaldu dutenez, Israelek Nazioarteko Zuzenbidea urratu zuen apirilaren 1ean, Siriako hiriburuan, Damaskon, Irango Kontsulatuaren aurka egindako bonbardaketarekin. Eraso horren ondorioz, Teheranek dronez eta misilez erantzun zuen larunbatean Israelen aurka.
"Herrialde guztiek debekatuta dute modu arbitrarioan pertsonei bizitzeko eskubidea kentzea atzerriko operazio militarretan, baita terrorismoaren aurkako operazioetan ere", esan dute, eta "atzerriko lurraldeko hilketak arbitrarioak dira Nazioarteko Zuzenbideak baimentzen ez dituenean".
Hala, argudiatu dute Israelek ez duela bere burua defendatzeko erasorik egin, ez duelako frogarik aurkeztu Iran "eraso armatua" egiten ari zela esateko, eta azpimarratu dute Israelgo agintariek ez dutela bonbardaketaren legezko justifikaziorik aurkeztu edo Nazio Batuen Segurtasun Kontseiluari horren berri eman, NBEren Gutunaren 51. artikuluak jasotzen duen bezala.
"Hori dela eta, Israelen erasoak beste estatu baten aurka indar armatua erabiltzeko debekua urratu zuen, Gutunaren 2 (4) artikuluaren arabera", azaldu dute, eta "legez kanpoko indarra ez zen Irango Indar Armatuen aurka soilik erabili, baita Siriaren aurka ere".
Ildo horretan, gogorarazi dutenez, "Israelek erasoa partzialki Golango gainetatik abiatu zuen, legez kanpo anexionatutako Siriako lurraldetik, hain zuzen ere". Errelatoreek azpimarratu dute erasoan parte hartu zutenek krimenak egin ahal izan dituztela, 1971ko terrorismoaren aurkako nazioarteko itunaren arabera.
"Delitua da diplomazialari baten instalazio ofizialei edo ostatu pribatuari eraso egitea, arriskuan jar baitezakete. Iran, Israel eta Siria itun horren parte dira, eta delitu mota horien gaineko jurisdikzio penala dute", nabarmendu dute.
Bestalde, Iranek emandako erantzunari buruz, apirilaren 1eko bonbardaketa "eraso armatutzat" jotzeko bezain larria izan bazen ere, Teheranek apirilaren 13an bere burua defendatzeko eskubiderik ez zuela argudiatu dute errelatoreek, erasoa jadanik amaituta zegoelako.
Hala, azpimarratu dute defentsa soilik dela legezkoa martxan dagoen eraso bat gelditzeko beharrezkoa denean, eta gaineratu dute "indarrez erantzutea, zigorra edo disuasioa legez kanpokoak" direla. Era berean, adierazi dute, apirilaren 13ko erasoen ostean defentsarako hasierako eskubidea agortuta zegoela, behin Israelen erasoa bukatu ondoren.
"Eraso horiek estatuaren subiranotasuna urratzen dute, eta gatazka areagotzea, jadanik kinka larrian dagoen eskualde batean", ohartarazi dute.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.