Humza Yousaf Eskoziako ministro nagusiak dimisioa eman du, Gobernu koalizioa hautsi ostean
Humza Yousaf Eskoziako ministro nagusiak dimisioa eman du astelehen honetan, Eskoziako Alderdi Nazionalaren (SNP) eta Alderdi Berdearen arteko koalizio akordioa hautsi ostean.
Eskoziako oreka politiko hauskorra ostegunean hautsi zen, berdeek Gobernuko kide minoritario gisa jarraituko ez zutela iragarri zutenean. Genero-autodeterminazioaren arloko politikek eragindako desberdintasunei gehitu behar zaie Gobernuak gas kutsatzaileen emisioa murrizteko helburuak berrikusi izana.
SNP gutxiengoan gobernatzera behartuta zegoen, eta Yousafek berak erronka hori bere gain hartzeko prest agertu zen ostiralean; izan ere, ziurtatu zuen ez zuela dimitituko eta kontserbadoreek bultzatutako zentsura-mozio bati egin beharko ziola aurre, beste alderdi batzuen babesa lortuta, besteak beste, berdeena.
Hiru egun geroago, hedabideen aurrean argudiatu du "zuzena" zela uste zuelako jarraitu nahi izan zuela, bere bazkide ohiekin "akordio ez hain formala" aurkitzeko itxaropenarekin, ezinezkoa izan baita.
Bere ustez, harremanak "konpontzeko", beste pertsona batek hartu behar du agintea, baina dimisioa ez da berehalakoa izango. Hala, azaldu du SNPko buruzagitzari jakinarazi diola kargua utzi nahi duela primarioen prozesua hasteko, baina ministro nagusi izaten jarraituko duela prozesua amaitu arte, "trantsizio ordenatu bat bermatzeko".
"Gobernuko kide izateko ohorea izan dut ia 12 urtez, kargu ezberdinetan", azpimarratu du Yousafek, bultzatutako politikez "harro".
Dimisioak airean uzten du orain 2026ra arte hauteskunderik izan behar ez zuen Eskoziaren etorkizuna. Izan ere, Yousafek duela urtebete baino gehiago hartu zuen kargua, Nicola Sturgeonek dimisioa eman ostean, eta ostiralean esan zuen SNPren buru izan nahi zuela hurrengo hauteskundeetan.
Zure interesekoa izan daiteke
Donald Trumpek Maria Corina Machado hartuko du ostegunean Etxe Zurian
AEBko presidenteak baztertu egin zuen Venezuelako oposizioko burua eta Bakearen Nobel sariaren irabazlea bere herrialdeko presidente izateko, Nicolas Maduro atxilotu eta kartzelatu ostean.
Gazako agintea erakunde palestinar teknokratiko baten esku uzteko trantsiziorako argibideak eman ditu Hamasek
Donald Trumpek datozen egunetan Gazarako bake-batzordea osatuko dute kideak izendatuko dituela iragarri ostean egin dute iragarpena. Batzorde hori AEBko proposamenaren bigarren fasean aipatzen da.
Euroganberako instalazioetara sartzea debekatu diete Irango ordezkariei eta diplomatikoei
Errepresio bortitza izan da azken bi asteetan Iranen, protestan ari diren pertsonen kontra, eta Iran Human Rights (IHRNGO) gobernuz kanpoko erakundearen arabera, gutxienez 648 dira hildakoak.
Milaka pertsona atera dira kalera Iranen, Gobernuari babesa adieraztera
Milaka pertsona mobilizatu dira astelehen honetan Irango hiriburuan, Teheranen, eta herrialdeko beste hainbat tokitan, hango Gobernuari babesa adierazteko, azken egunotan izaten ari diren protesten aurrean.
Abbas Araghchi Irango ministroaren esanetan, Iranek "ez du gerrarik nahi, baina erabat prest dago", eta AEBrekin "bidezko" negoziazioak egitearen alde dago
Esmaeil Baqaei Atzerri Ministerioaren bozeramaileak astelehen honetan bertan adierazi duenez, AEBrekin komunikatzeko kanala "irekita dago". "Beharrezkoa denean, mezuak trukatzen dira", azpimarratu du, eta gaineratu duenez, Iran "diplomazia eta negoziazio printzipioari" eusten ari zaio.
Venezuelak iragarri du 116 preso politiko gehiago askatu dituela
Hala ziurtatu du Venezuelako Gobernuak. Italiako Gobernuak ordu batzuk lehenago adierazi du askatuko diztuzten bi pertsona italiarrak direla.
Groenlandia "modu batera edo bestera" eskuratuko duela esan du Trumpek
AEBko presidenteak ukatu egin du Danimarkako Gobernuari benetako eskaintzarik egin izana. Gainera, "Errusiak eta Txinak kontrola hartzea nahi ez duen" arren, Groenlandia ez babestea leporatu dio Danimakari. "Funtsean, txakurrek eragindako bi lerarekin defendatzen ari dira uhartea", salatu du Trumpek.
Trumpek esan du AEBko Armada Iranen esku hartzea "oso serio" aztertzen ari dela
AEBko presidentearen esanetan, Teheranek "marra gorria" zeharkatu du, protestetan ehunka pertsona hil ditu eta. Hortaz, ez du baztertu berehalako erabaki bat hartzea; bitartean, Iran harekin negoziatzeko harremanetan jarri da. Irango Gobernuaren arabera, AEBko armadari esku hartzeko "aitzakia" emateko oldartu dira manifestariak.
Irango protesten aldeko mobilizazioak, Europan zehar
Milaka pertsona atera dira kalera Parisen, baita Lisboan eta Londresen ere. Erresuma Batuko hiriburuan Irango enbaxadaren aurrean bildu dira eta bandera kendu dute. Bestalde, Frantziak, Alemaniak eta Erresuma Batuak Irango protestetan izandako heriotzak gaitzetsi dituzte.
Gutxienez 586 lagun hil dira jada Irango protestetan eta 10.600 baino gehiago atxilotu dituzte
Islamiar Errepublikaren aurkako ekintza militarrak egitea aztertzen ari omen da Donald Trump, hainbat hedabideren arabera. Halakorik egitekotan, Israel eta AEB bera "jomuga" izango dituztela ohartarazi du Iranek.