Abbasek txalotu egin du Estatu palestinarra aitortzeko Espainiak, Irlandak eta Norvegiak egindako iragarpena
Palestinan ongietorria eman diote Espainiako, Norvegiako eta Irlandako gobernuek egindako iragarpenari. Hiru herrialdeok jakinarazi dute maiatzaren 28an aitortuko dutela Palestina Estatu gisa.
Mahmud Abbas Palestinako Aginte Nazionaleko presidenteak txalotu egin du erabakia, eta uste du lagungarria izango dela gatazkaren konponbidean.
Banan-banan aipatu ditu hiru herrialdeak Abbasek, goizean egin duen agerraldian. Espainiari dagokionez, nabarmendu du "herri palestinarra babesteko eta horien eskubideak defendatzeko" beti erakutsi duen "borondatea". "Konponbidea bi estatuen aitortzatik etorriko dela diotenekin bat dator Espainia", esan du.
Ildo beretik mintzatu da Irlanda aipatu duenean ere. Esan du herri palestinarrak bere etorkizuna erabakitzeko duen eskubidearekin bat egin duela Irlandak, eta konponbidearen abiapuntua hori dela erantsi du. "Bi estatuen aitortzara iristeko abiagunea".
Era berean, Norvegiako Gobernuaren erabakia goratu du. "Azken urteotan, Norvegia beti agertu izan palestinarren eskubideen alde eta nazioarteko foro guztietan beti bozkatu izan du horien alde", gehitu du.
Azkenik, Palestinak Aginte Nazionaleko buruak berretsi du "Nazioarteko Zuzenbidean aitortutako eskubidea dela erabakitzeko eskubidea", eta Palestinaren erabakitzeko eskubidea aitortzeko deia egin die, oraindik hala aitortu ez duten herrialdeei.
Espainiak, Norvegiak eta Irlandak gaur egindako iragarpenarekin, jada, 146 dira Estatu palestinarra aitortzen duten Nazio Batuen Erakundeko kideak. Maltak eta Esloveniak ere iragarri dute epe laburrean emango dutela urrats bera.
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.