Putinek eta Kim Jong-Unek lankidetza estrategikorako akordioa sinatu dute
Vladimir Putin Errusiako presidenteak eta Kim Jong-Un Ipar Koreako agintariak lankidetza estrategikorako akordioa sinatu dute, bi herrialdeen arteko harremanak egituratzeko balioko duena. Moskuk eta Piongiangek harremanak estutzea erabaki dute AEBri eta bere aliatuei aurre egiteko.
Sinatutako dokumentu berriak Errusiaren eta Ipar Korearen arteko harremanak sakontzeko balioko du, Putinek bileraren atarian iragarri duenez.
Bi agintariek Piongiang egin duten goi-bileran, Errusiako presidenteak eskerrak eman dizkio Ipar Koreako lider gorenari Ukrainako inbasioaren harira emandako babes "konstante eta apurtezinagatik".
Agintari errusiarrak bi herrialdeen arteko lankidetza arloan emandako "aurrerapauso nabarmenak" azpimarratu ditu, eta negoziazioak "emankorrak" izango direla adierazi du TASS albiste agentziak zabaldutako informazioaren arabera.
Kim Jong-Un agintari iparkorearrak, bere aldetik, mundun egonkortasuna eta oreka estrategikoa mantentzeko Errusiako Federazio "indartsu" batek duen eginkizuna nabarmendu du.
Halaber, Ipar Koreako buruzagiak "erabateko babesa eta elkartasuna" helarazi die Errusiako Gobernuari, armadari eta herriari, Ukrainako inbasioagatik.
Nazioarteko egoera azkar aldatzen ari dela uste du Kim Jong-Unek eta horregatik Moskurekin harreman estrategikoak sendotu nahi ditu.
Hasieran adierazpenak egin ondotik, 90 minutu iraun duen bilera ateak itxita egin dute.
Ipar Koreara egindako bi eguneko bidaia ofiziala gaur amaituko du Putinek, eta Vietnamera abiatuko da.
Zure interesekoa izan daiteke
Europako lehen hantabirus kasua atzeman dute Suitzan
Pazientea hainbat kutsatze detektatu diren gurutzaontzian bidaiatu zuen, eta Zurichen tratatzen ari dira, medikuen zaintzapean.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.