Amaitzear dira Parisko Olinpiar Jokoak
Amaitzear dira Parisko 2024ko Olinpiar Jokoak. 2020an Tokion jokatu ondoren, hogeita hamahirugarren edizioak aurreikuspen guztiak gainditu ditu eta aurrekari bat ezarriko du Olinpiar Jokoen historian. Izan ere, aurtengoak berritasunak, ezustekoak eta garai honetan protagonista diren polemika sozialak izan ditu.
Irekiera-ekitaldiko egunetik bertatik, Parisko Olinpiar Jokoek emango zutenaren berri izan zuen publikoak, Frantziako hiriburuak hasiera-hasieratik bilatu baitu bere edertasuna erakutsi eta, horrekin batera, hiriak duen erakargarritasuna kirol mota guztietara eramatea. Horrela, kirolariak munduko erreferentziako lekurik ederrenetan lehiatzen ikusteko aukera izan dute kirolzaleek, hala nola Eiffel dorrearen, Jesusen Bihotza basilikaren edota Sena ibaiaren inguruetan, antolatzaileek promozio turistiko bikaina egin baitute.
Olinpiar Jokoetako ekitaldirik esanguratsuenetariko batean ere izan ditugu berritasunak; suontzi olinpikoan, hain zuzen. Irekiera-ekitaldia globo aerostatiko baten forma duen suontzi olinpikoa piztuta amaitu zen, Montgolfier anaien omenez. Hala ere, eskultura 'globalizatu' horretatik haratago, ekitaldiak eman zuen berritasuna ez zen artelana bera izan, baizik eta surik gabeko sugarra. Horrek ikaragarrizko inpaktu positiboa izan du ikusleengan, eta frantsesek hurrengo edizioetan ideia horri eustea ere eskatu dute.
Gaur egungoa mundu globalizatua da, eta horren eredu izan da hogeita hamahirugarren edizioa. Jokoetan gerran murgilduta dauden herrialdeen arteko lehiak izan dira; hala ere, gerra kulturalak lapurtu dio protagonismoa. Polemikarik esanguratsuena (entzutetsuena bai behintzat) bi boxeolariren inguruan sortutakoa izan da, "gizonak" eta "trans emakumeak" izatea eta, beraz, "lehiaketa faltsutzea" egotzi baitiete. Gainera, horietako baten inguruko polemika urre olinpikoarekin amaitu da: Imane Khelif aljeriarrarena.
Parisko Olinpiar Jokoak aurrekoak bezain globalizatuak izan dira, 206 herrialde baino gehiago aritu baitira bertan. Partaideetatik kanpo, federazio-ordezkaritzarik izan ez duten baina kirol-ordezkaritza izan duten beste lurralde batzuk ere izan dira. Edizio honetan 43 euskal kirolari lehiatu dira hiru herrialde ordezkatuz: Espainia, Frantzia eta Alemania.
Horrenbestez, berritasunez, irudi ikonikoz eta polemikaz beteriko edizioa izan dugu aurtengoa.
Zure interesekoa izan daiteke
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.
Inoizko hauteskunde polarizatuenen bigarren itzulia egingo dute igandean Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.