Hamas ez da hurrengo negoziaziotara joango, eta Israel uztailean adostutakoa betetzera behartzea eskatu du
Hamas ez da Israelekin su-etena negoziatzeko hurrengo bilerara joango. Batzarra ostegunean, hilak 15, Kairon edo Dohan egitekoa da. Erakunde islamistak aurretik adostutakoa ezartzeko deia egin du ohar baten bidez, "negoziazio sorta berriekin jarraitu beharrean".
Israel uztailaren 2an adostutakoa betetzera behartzea eskatu die Hamasek bitartekariei, Egiptori, Qatarri eta Ameriketako Estatu Batuei, estatu sionistak negoziazioetan egindako proposamen berriek Gazaren aurkako erasoa "estaltzen" dute, erasoaldiari jarraipena emateko "denbora" ematen diotela ziurtatuz.
Negoziazioari begira, Hamasen erabakia Israelek larunbatean Gaza Hiriko Al Tabain eskolaren aurka egindako bonbardaketaren argitan iritsi da, izan ere, gutxienez 93 palestinar hil zituzten sarraskian.
Gainera, duela gutxi Ismail Haniyeh taldeko buruzagi politikoa hil zuten Teheranen egindako eraso batean. Israelek ez du haren egiletza aldarrikatu, ezta gezurtatu ere, Iranen egindako ekintzekin gertatu ohi den bezala.
"Mugimenduak onartu egin zuen bitartekarien proposamena 2024ko maiatzaren 6an", gogorarazi du Hamasek agirian, aurreko negoziazio-sortari erreferentzia eginez, "eta pozik hartu zituen Biden presidenteak 2024ko maiatzaren 31n egindako ekarpena eta Nazio Batuen Segurtasun Kontseiluaren 2735 Ebazpena, mahai gainean dagoen egungo proposamenari buruzkoa".
"Hala ere, etsaiak ez zuen onartu, et gure herriaren aurkako sarraskiekin jarraitu zuen", salatu du erakunde islamistak.
Osama Hamdan taldeko bozeramaileak Libanoko Al Manar telebista-kateari eskainitako elkarrizketa batean berretsi duenez, su-etenari begira euren eskaerak noiz ezarriko zain daude: ersaoak bertan behera uztea, Israelgo Armada Gazatik erretiratzea, eta laguntza sartzea eta berreraikitzen hastea.
Gazako Osasun Ministerioak gaur argitaratu du azken 48 orduetako biktimen balantzea, eta bertan jakinarazi du 142 pertsona hil dituztela, gehienak Israelek Al Tabain eskolaren aurka egindako bonbardaketan.
Urritik, 39.897 palestinar hil dituzte Gazan, gehienak emakumeak eta haurrak, eta beste 92.152 zauritu dituzte. Hondakinen artean 10.000 gorpu baino gehiago daudela erantsi dute.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.