"Irismen handiko" Kurskeko inbasioa goraipatu du Zelenskik, Ukrainako independentziaren urteurrenean
Volodimir Zelenski Ukrainako presidenteak Ukrainaren independentziaren 33. urteurrena oroitu du, Kursk eskualdean sartu izana bere herrialdearen autonomia nahiaren adierazpen nagusitzat hartuta.
"Ukrainarrek beti ordaintzen dituzte zorrak. Gure lurraldean miseria desiratu duenak bere etxean aurkituko du. Gure lurraldean gaitza erein nahi duenak bere lurraldean bilduko ditu bere fruituak. Etsaiak gure lurraldera eraman duen guztia bere etxera itzuli da orain", adierazi du Zelenskik.
2022ko otsailean hasi zen Errusiaren inbasioari emandako erantzun "duin, simetriko eta irismen handikoa" adibidetzat hartu du presidenteak Kursken egindako erasoa. Esan duenez, Ukrainaren erantzuna "Errusiako Federazioaren edozein tokitara iritsiko da, gure estatuaren eta gure herriaren bizitzarako arrisku-iturri baldin bada".
Errusiak ere komunikatu bat igorri du urteurrena dela eta, Europako Segurtasun eta Lankidetzarako Erakundean (OSCE) duen ordezkaritzaren mezu baten bitartez. Bertan, "deitoragarritzat" jo du egungo Ukrainaren errealitatea, nahiz eta independentzia lortu zuenean "garapen sakon baterako aurrebaldintza guztiak" zituen, eta "epe luzerako oparotasunera" eraman behar zuten, "bizilagunekin bakean eta adiskidetasunean".
"Gaur egun Ukraina modernoaren errealitatean ikusten duguna ez dator bat subiranotasunaren, independentziaren, zuzenbide-estatuaren eta giza eskubideen errespetuaren ideiarekin", esan du ohar batean.
Errusiaren arabera, Ukraina "Errusiaren aurkako estatu autoritario bat da, printzipio misantropoak ideologia ofizialaren mailara igotzen dituena". Gainera, Moskuk Kievi egotzi dio Donetskeko eta Luhanskeko disidenteen aurka errepresio mota guztiak erabiltzea, "sarraski fisikoa" barne, "Kievek zigor operazio militar bat abiatu zuenean". "Ez da harritzekoa Krimeako biztanleek Errusiarekin bateratzearen alde egin izana", erantsi du.
"Kieveko erregimenaren egungo metodo terroristek, Errusiako Federazioaren Kursk eskualdearen aurkako erasoa barne, agerian uzten dute, beste behin ere, helburuak lortzeko beste alternatibarik ez dagoela", gehitu du, Ukrainaren inbasioari erreferentzia eginez.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.