Israelek 22 pertsona hil eta 80 zauritu ditu azken orduetan Libanon egindako erasoetan
Israelek egindako erasoek gutxienez 22 pertsona hil eta 80 zauritu dituzte azken 24 orduetan Libanon, Libanoko Osasun Publikoko Ministerioak jakitera eman duenez. Txanponaren ifrentzuan, Hezbollahk Libanotik jaurtitako koheteek bi pertsona hil dituzte Kiryat Shmonan, Israelgo iparraldean. Miliziak 20 bat kohete jaurti ditu.
Libano hegoaldea (12 hildako) eta Bekaa (zazpi hildako) dira Israelen erasoek gehien kolpatu dituzten eskualdeak, Libanoko Osasun Ministerioak X sare sozialeko kontu ofizialean azaldu duenez.
Duela urtebetetik hona 2.141 hildako eta 10.099 zauritu dira dagoeneko, baina gehienak azken bi asteetan hil dituzte.
Asteazken honetan, oraingoz, lau pertsona hil ditu Israelek Sidon (Libanoko hegoaldea) herritik iparraldera, familia errefuxiatuak hartzen dituen hotel bateko apartamentu baten aurka egindako bonbardaketa batean, iturri ofizialek jakitera eman dutenez.
Gainera, Libanoko Gobernuaren arabera, 1,2 milioi dira israeldarrek etxeak uztera behartu dituzten pertsonak.
Desplazatu horietako asko bigarren egoitzetara edo alokairuko etxebizitzetara joan dira edo herrialdea utzi dute; agintarien arabera, berriz, 181.000 lagunek baino gehiagok Gobernuak Libano osoan prestatutako aterpetxeetan hartu dute babes.
Bestalde, asteartean, soldadu israeldarrek bandera altxatu zuten Libanoko muino batean, Maroun al Ras hiritik hegoaldera, bi herrialdeen arteko banalerrotik kilometro eskasera. Ekintza hori sare sozialetan zabaldu da, eta erreakzio uholdea eragin du, alde eta kontra.
Washingtonek babes osoa eman dio Israeli
Gainera, Ameriketako Estatu Batuek (AEB) Israelek Libanon egindako erasoak babestu dituzte asteazken honetan, eta duela bi aste Frantziarekin proposatutako su-etena alde batera utzi dute. "Egoera aldatu egin da duela bi aste zegoenarekin alderatuta", esan du Matthew Miller Estatu Departamentuko bozeramaileak, prentsaurreko batean.
Millerren hitzetan, Israelek "erasoaldi mugatuak" egiteko eskubidea du Libanon, "Hezbollah ahultzeko".
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.