Alex Salmond Eskoziako lehen ministro izandakoa hil da, 69 urte zituela
Alex Salmond Eskoziako lehen ministro izandakoa hil da, 69 urte zituela, Erresuma Batuko hedabideek, BBC irrati telebista publikoak tartean, jakitera eman dutenez.
Erresuma Batuko hedabide publikoaren arabera, bat-batean hil da, Ipar Mazedonian hitzaldi bat ematen ari zela ondoezik sentitu ostean.
Alex Salmondek adostu zuen Erresuma Batuko Gobernuarekin independentziari buruzko erreferenduma egitea, eta bera zen gobernuburua 2014an plebiszitua egin zutenean ere. Nazionalista eskoziarrak baiezkoaren aldeko kanpaina egin zuen, baina Eskoziako boto-emaileen gehiengoak ezetz bozkatu zuen (% 55,3k ezetz, % 44,7k baietz) 2014ko irailaren 18an egindako erreferendumean.
Porrota jaso ondoren, Salmondek dimisioa eman, eta Eskoziako lehen ministro kargua utzi zuen.
2004tik 2014ra SNP Eskoziako Alderdi Nazionalistako burua ere izan zen, 2014ko azaroan bere ondorengoari (Nicola Sturgeon) erreleboa eman zion arte.
2018an, SNP alderdiaren krisi batean, alderdia utzi, eta Alba alderdia sortu zuen. Gaur egun, Albak ordezkari bat dauka Eskoziako Parlamentuan.
Bestalde, 9 emakumeri 13 sexu delitu egin izana leporatu zioten, baina gerora Eskoziako Auzitegi Nagusiak absolbitu egin zuen.
Heriotzaren osteko erreakzioak
Carles Puigdemont Generalitateko presidente ohiak Eskoziako lehen ministro ohiaren bat-bateko heriotzaren aurrean "tristura" azaldu du X sare sozialean zabaldu duen mezu batean, eta dolumina adierazi dio familiari. 2014an Eskozian autodeterminazio erreferenduma bultzatu izana goraipatu du, eta "Kataluniaren benetako laguna" zela gaineratu.
Era berean, Pere Aragones Kataluniako presidente ohiak ere erreferente independentistatzat jo du Salmond. "Bere herrialdearekiko grina erakutsi zuen. Independentziaren alde borrokatzen garen herrietan erreferente den gizon bat galdu dugu", nabarmendu du X sare sozialean.
Marta Vilalta ERCko bozeramaileak "tristura handia" duela adierazi du sare sozial berean. "Eskoziako independentziaren aldeko borrokan giltzarria izan zen, eta, ondorioz, gure etorkizuna askatasunez erabakitzeko asmoa dugun herri guztiena ere bai", esan du.
Keir Starmer Erresuma Batuko lehen ministroak eta John Swinney Eskoziako lehen ministroak ere doluminak adierazi dituzte Salmonden heriotzaren aurrean.
Zure interesekoa izan daiteke
Ehun bat lagun kalera atera dira Bilbon Maduroren kontra eta Machadoren alde
Mundu osoko 130 hiritan protestak deitu dituzte Venezuelako Gobernuaren aurka, eta asteazkenean Bakearen Nobel saria oposizioaren ordezkariari emango diotela ospatzeko.
Lau ekintzaile atxilotu dituzte Londresko Dorreko bitxien aurka janaria jaurtitzeagatik
Ekintza horrekin, Erresuma Batua “muturreko aberastasuna zergapetu eta konpontzeko” herritarren batzar bat ezartzeko eskatu nahi izan dio Take Back Power taldeak Erresuma Batuko Gobernuari. Sare sozialetan zabaldu dituzte horren irudiak, eta aretoa itxi dute, kalteak ikertu arte.
Migrazio politikak Europako zibilizazioa "ezabatzen" ari direla esan du Trumpek
Segurtasun Nazionalari buruzko txosten batean, bere egin ditu Europako eskuin-muturreko mugimenduen diskurtsoak.
Alemaniako Parlamentuak argi berdea eman dio soldadutzaren lege berriari
Legearen zirriborroan jasotakoaren arabera, nahitaezko errekrutamendua aktibatuko da, egoerak hala eskatzen badu eta nahikoa boluntario erakartzea lortzen ez bada.
Israelek 366 palestinar hil ditu su-etena indarrean sartu zenetik
Israelgo armadak palestinarrei tiro egiten jarraitzen du "lerro horia" deituriko mugatik, gehiegi hurbiltzen direla argudiatuz. Herritar gehienek ez dituzte muga horiek ezagutzen.
AEB eta Txina, Hego Pazifikoko uharteak kontrolatzeko lehia bizian. Zergatik?
Ozeano Barea Asia eta Amerika arteko itsaso handi-handia da. Han zehar itsasbideak, urpeko kableak eta era guztietako merkataritza trafikoa daude, etengabe. Horregatik, bide horiek bereganatu nahi dituzten potentziek ezinbestekoa dute ozeano erraldoi horretan dauden irlak kontrolatzea, base logistikoak, eta, kasu askotan, militarrak direlako. Hain zuzen, Estatu Batuek eta Txinak Pazifikoko 14 herrialde horiek kontrolatzeko sokatiran ari dira. Papua Ginea Berria milioi bat biztanle duen uharte bakarra da; txikiena, Niuee izeneko uhartea, ez da 2.000 biztanlera ere iristen. 14 horietatik 11 Txinarekin daude lerratuta. Hiruk baino ez dute Taiwanen subiranotasuna aitortzen. Batzuek, Papua Ginea Berria kasu, Estatu Batuekiko segurtasun akordioei eusten diete, beste batzuek, ordea, Txinarekin defentsa akordioak sinatu dituzte. Horren adibide da Salomon Uhartea. Mikel Reparaz, EITBren nazioarteko burua, han izan da.
Epsteinen uharte pribatuko irudi argitaragabeak, hemen
Estatu Batuetako Ordezkarien Ganberako demokratek Jeffrey Epstein pederastaren Birjina uharteetako irla pribatuko argazki eta bideo argitaragabeak kaleratu dituzte. Irudietan etxeko logelak eta komunak agertzen dira, baita dentista-aulki bat duen gela bat ere, hormetan maskarak eskegita dituela. "Pedofiliaren uhartea" 90eko hamarkadan erosi zuen Epsteinek, eta egoitza pribatu gisa erabiltzen zuen.
Madurok konfirmatu egin du Trumpekin hitz egin duela: "Azkenaldian, askotan nabil ingelesez hitz egiten"
Nicolas Maduro Venezuelako presidenteak baieztatu egin du Donald Trump AEBko gobernuburuarekin hitz egin duela, herrialde horrek Kariben duen hedapen militarrak eragindako tentsioen eta nazio pretroliogilearen aire-konektibitatearen krisiaren erdian. Maduroren arabera, Etxe Zuria Miraflores jauregiarekin harremanetan jarri zen duela "hamar bat egun"; azaroaren 23an beharbada, baina ez du data zehatzik eman.
Gazan, 54 bikotek bizitza ospatzea erabaki dute, ezkontza handi-handia eginda
Bi urtez Israelen eraso etengabeak pairatu ostean, sarraskia atzean utzi eta ospakizunari ateak ireki dizkiote Gazan. 54 bikote ezkondu dira bonbardaketek txikitutako eraikinen artean. Ekitaldia Arabiar Emirerri Batuek antolatu dute, eta esperantzaren sinbolotzat hartu.
EBk erabaki du 2027rako Errusiako gas naturala inportatzeari uztea
Hungariak eta Eslovakiak iragarri dute plana Europar Batasuneko Justizia Auzitegira eramango dutela.