Langabe gizenei argaltzeko injekzioak ematea aztertzen ari da Erresuma Batua, lanera itzul daitezen
Langabe lodiei argaltzeko injekzioak errezetatzea aztergai du Erresuma Batuko osasun publikoak, beharrera itzultzeko modua izan dezaten. Keir Starmer lehen ministro britaniarraren arabera, "ekonomiarentzat oso garrantzitsua da".
"Uste dut botika hori oso garrantzitsua izan daitekeela gure ekonomia eta osasunarentzat. Sendagaia oso baliagarria izango da argaldu nahi eta behar duten pertsonentzat. Ekonomiarentzat oso garrantzitsua da, jendea lanera itzul dadin", azaldu dio Keir Starmer lehen ministroak BBC kateari.
Argaltzeko ziztada horiek garestiak dira oso, eta soilik osasun arazo larriak dituzten edo diabetesak jotako lodiei errezetatzen dizkie osasun publikoak. Gobernuaren egitasmo berri horren arabera, lan barik dauden gizenei ere emango liekete, doan. Dena dela, Osasun Sistema Nazionalaren (NHS, ingelesez) gaineko presioa larregi ez areagotzeko deia egin du Starmerrek. NHSren arabera, neurria martxan jartzekotan modu progresiboan izan beharko litzateke, eskatzaile kopuru handia espero baita.
Aurrez, Wes Streeting Osasun ministroak iragarri zuen egitasmoa, The Telegraph egunkarian kaleratutako artikulu batean.
"Gure gerrikoak gero eta zabalagoak dira, eta horrek gero eta eragin gehiago du gure osasun sisteman. Urtero 11.000 milioi liberako (13.090 milioi euro) kostua du, tabakoak baino gehiago", argudiatu zuen.
Streetingen esanetan, "loditasunak eragindako gaixotasunen ondorioz, urtean lau baja egun gehiago hartzen dituzte langileek, eta batzuek lanpostua ere galtzen dute".
Proposamena Lilly enpresa farmazeutikoak egindako ikerketa baten ostean egin du Erresuma Batuko Gobernuak. Mounjaro botikak duen eraginkortasuna eta "langabezia murrizteko duen ahalmena" aztertu du enpresak. Azterketaren arabera, injekzioa hartu zutenek pisuaren % 21 galdu zuten 36 astean.
Zure interesekoa izan daiteke
Iranek eta Omanek Ormuzen nabigatzeko bide berri bat adostu dute
Itsasarteko ibilbide berriari buruzko akordioak ez du esan nahi berriro irekiko dutenik, Iranek zehaztu duenaren arabera, AEBen eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.