Israelek gutxienez 25 pertsona hil ditu Gazan, tartean sei haur, azken erasoetan
Israelek azken orduetan egindako erasoetan, 25 palestinar hil ditu gutxienez, tartean sei haur eta Gaza hiriburuan hildako familia bateko zazpi kide, bertako iturriek zabaldu dutenez.
Shaldan familia da, hain zuzen ere, erasoek gogorren jotakoa. Zazpi hildakoetako hiru haurrak ziren, eta erasoan Gaza hiriko Zaytun auzoan zuten etxebizitza suntsitu dute.
Khan Yunis hirian, Gaza hegoaldean, Abu Sabla familiako sei kide hil dituzte hiru solairuko etxebizitzaren aurkako erasoan, hiru haur tartean.
Nuseirateko errefuxiatuen kanpalekuan ere egin du eraso Israelek. Horren ondorioz, lau pertsona hil, sutea eragin eta zenbait pertsona zauritu ditu.
Israelek erasoaldia gogortu zuen duela 40 bat egun, Jabalian eta Beit Lahian bereziki, eta ordutik 2.300 pertsona hil eta 6.000 baino gehiago zauritu ditu.
Ospitalearen aurkako erasoa
Bertan, Kamal Adwan ospitalearen aurkako eraso gehiago egin ditu Israelek, eta droneek argindar sorgailua eta ur eta oxigeno biltegiak suntsitu dituzte.
"Badirudi mugarik ez duela Gazako palestinarren aurkako krudeltasunak. 40 egun baino gehiago daramatza iparraldeak setiopean, inguratuta, bonbardaketa artean, bizirauteko baliabiderik gabe eta mehatxupean ihes egitera behartuta", salatu zuen Jonathan Whittal Nazio Batuen Erakundeko ordezkariak.
"Emaitza? Jendea dago hondakinen azpian, erreskatatu gabe. Gaixoak eta zaurituak ez dira ospitaleetara iristen. Ur edangarria eta elikagaiak agortu egin dira. Bizitzak galdu dira", esan zuen.
14 hilabeteko erasoaldian, 44.000 palestinar baino gehiago hil eta 100.000 baino gehiago zauritu ditu Israelek, eta 11.000 dira hondakinen azpian desagertuak, Gazako Osasun Ministerioaren arabera.
3.600 hildako Libanon
Bestalde, Libanoko Osasun Publikoko Ministerioak ostiralean jakinarazi zuen Israelek gutxienez 3.645 pertsona hil eta 15.355 zauritu dituela bertan urtebetean, Hezbollahren aurkako gerran.
Azken 24 orduetan, hain zuzen ere, 62 pertsona hil eta 110 zauritu dituzte, gehienak Baalbek-Hermelen.
Hildakoen artean, 700 emakume eta 230 haur daude.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.