Hego Koreako presidenteak Asanblada Nazionalaren erabakia onartu eta gerra-legea bertan behera utzi du
Yoon Suk Yeol Hego Koreako presidenteak gerra-legea bertan behera utzi du gaur, Asanblada Nazionalak neurri polemikoa atzera bota ostean.
"Gerra-legearekin zabaldutako tropak erretiratu dira", azpimarratu du Yongsan barrutiko egoitzan, Seulen, Yonhap albiste agentziak jakitera eman duenez.
Hori gertatu da diputatuek ezohiko bilkura batean gerra-legearen aurka bozkatu ondoren, Indar Armatuen Estatu Nagusiko buru Park An Sook edozein jarduera politiko mota debekatu eta gutxira.
Konstituzioak presidenteari ematen dio "beharrizan militarrengatik" edo "segurtasun eta ordena publikoa mantentzeko" gerra-legea ezartzeko ahalmena, baina erabaki hori Asanblada Nazionalari jakinarazi behar diola ere esaten du. Parlamentuak gehiengoz hala eskatzen badu, presidenteak atzera egin behar du, Konstituzioaren 77. artikuluak jasotzen duenez.
Hego Koreako presidenteak, gerra-legea ezartzearekin batera, oposizio politikoari "Estatuaren aurkako jardueratan" aritzea leporatu dio. Era berean, "matxinada planifikatzen" ibiltzea egotzi dio.
Hego Koreako presidenteak gerra-legea ezarri du "ordena konstituzionala babesteko", eta "Estatuaren aurkako" ekintzak leporatu dizkio oposizioko alderdi nagusiari, Alderdi Demokratari (PD).
Lee Jae-myung oposizioaren buruak salatu duenez, aldiz, "presidenteak traizioa egin dio Hego Koreako herriari". Azpimarratu duenez, "une honetatik aurrera Yoon Suk Yeol ez da jada herrialdeko presidentea".
Gainera, Hego Koreako Asanblada Nazionalak gerra-legea bertan behera uztearen alde bozkatu du, Yoon Suk Yeolek neurri hori iragarri eta gutxira deitutako ezohiko osoko bilkuran.
Osoko bilkuran, ganberan nagusi diren oposizioko indarrek aldeko 190 botorekin onartu dute gerra-legea baliogabetzea, eta horrek, Hego Koreako Konstituzioaren arabera, neurri hori atzera botatzera behartzen du presidentea.
Milaka pertsona Asanblada Nazionalaren aurrean bildu dira gerra-legearen aurka protesta egiteko.
Batzar Nazionalean (Parlamentua) gehiengoa duen PDk, Yoonen Herriaren Indarra Alderdiaren (PPP) babesik gabe, 2025erako aurrekontu orokorrak onartu ostean hartu du erabakia azken horrek. Dirudienez, aurrekontuek murrizketa ugari aurreikusten dituzte, baita fiskal nagusia eta erakunde publikoen kontuak monitorizatzeaz arduratzen den Auditoretza eta Ikuskaritza Batzordeko arduraduna kargutik kentzea ere.
Zure interesekoa izan daiteke
Polymarket: apustuen eta gerraren jokoa
Polymarket kripto-txanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak informazio pribilegiatuaren erabileraz ohartarazi du; eta adibide moduan jarri du Maduro noiz bahituko zuten zehaztasun osoz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.