Finlandiak Errusiarekin lotura duen itsasontzi bat geldiarazi du Baltikoan, urpeko kableak kaltetu dituelakoan
Errusiarekin lotura duen itsasontzi bat atzeman dute Finlandiako Itsas Zaintzako agenteek itsaso Baltikoan, urpeko argindar kable bat —Finlandia eta Estonia lotzen dituena— eta zuntz optikoko beste lau kaltetu dituelakoan.
"Sabotaje delitua" egon den argitzeko, ikerketa zabaldu du Polizia finlandiarrak. "Cook Irletako matrikula duen Eagle S petrolio-ontzia Finlandiako uretan sartu zen, eta orain, ikertzen ari gara urpeko kableek izandako kalteekin loturarik duen", esan du Poliziak, gaur igorritako agiri batean.
170 kilometroko luzera du kalteak izan dituen kableak, eta horietatik 145 ur azpian daude. Sami Rahskit, Finlandiako Aduanetako zuzendariak azaldu duenez, atzemandako ontzia Errusiaren "itzaleko flota" deritzonarena dela uste dute.
Barkua Helsinkitik 30 bat kilometrora dagoen Porkkalako portura eraman dute, eta tripulazioko kideak galdekatzen ari dira. Horien nazionalitatea ez da zabaldu, oraingoz.
Petteri Orpo Finlandiako lehen ministroak esan du Baltikoan dabiltzan "itzaleko flotak oso arriskutsuak" direla inguruko herrialdeentzat zein Europar Batasun osoarentzat. "Gobernua ahalegin guztiak egiten ari da, egoera konpontzeko", esan du.
Ildo beretik mintzatu da Marc Rutte NATOko idazkari nagusia ere. Azaldu du jada hitz egin duela Kristen Michal Estoniako lehen ministroarekin gaiari buruz eta ikerketan laguntzeko prest agertu da. "NATOk elkartasuna adierazi nahi die aliatuei eta eraso oro salatzen du. Finlandiarekin eta Estoniarekin elkarlanean ikerketa gertutik jarraitzen ari gara eta gure laguntza osoa eskaini dugu", esan du Ruttek.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".