Putinek barkamena eskatu dio Aliyev presidenteari AZALen hegazkinarekin izandako "gertakari tragikoagatik"
Vladimir Putin Errusiako presidenteak barkamena eskatu dio gaur Ilham Aliyev Azerbaijango presidenteari, Errusiako aireko espazioan Azerbaijan Airlines (AZAL) konpainiaren hegazkin batek izandako "gertakari tragikoagatik", Kremlinek ohar baten bidez jakinarazi duenez.
Oharraren arabera, Azerbaijango agintariarekin telefonoz izandako elkarrizketan, Putinek barkamena eskatu dio gertakari tragikoa Errusiako aireko espazioan gertatu zelako, eta beste behin doluminik sakon eta zintzoena eman die biktimen familiei, eta zaurituak lehenbailehen sendatzea espero duela esan dio.
Komunikatuan gaineratu dutenez, Azerbaijango presidenteari esan bezala, "Azerbaijango bidaiarien hegazkina aurreikusita zegoen orduan zihoan, eta Groznyko aireportuan lurreratzen saiatu zen behin eta berriz", Txetxeniako Errepublika errusiarraren hiriburuan.
Une horretan, komunikatuak azpimarratu duenez, "Ukrainako droneek Grozny, Mozdok eta Vladikavkaz hiriei eraso zien, eta Errusiako aire-defentsa sistemek eraso horiei aurre egin zieten".
AZALen hegazkina, J2-8243 Baku-Grozny hegaldia egiten ari zen Embraer 190 bat, Kazakhstango Aktau hiriko aireportura desbideratu zuten azkenean, eta handik gertu erori zen. Hegazkinean zihoazen 67 bidaiarietatik 38 hil ziren.
Ostiral honetan, AZALek adierazi zuen aireontziak "kanpoko interferentzia fisikoak eta teknikoak" jasan zituela, ikerketaren "lehen emaitzek" jakinarazi dutenez.
Aurreko egunean, aireko hondamendia gertatu eta 24 ordu eskasera, Azerbaijango Gobernuko bi iturrik esan zuten hegazkinen kontrako misil baten metrailak harrapatu zuela bidaiarien hegazkina Groznyko aire-espazioan zegoela.
Zure interesekoa izan daiteke
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.