Jack Smith fiskal bereziak dio Donald Trump zigortuko zuketela presidente hautatu izan ez balute
Jack Smith fiskal bereziak Donald Trump handi-mandi errepublikanoak 2020ko presidentetzarako hauteskundeetako emaitzak iraultzeko egindako ustezko saiakerak ikertu zituen, eta 2024ko azaroko hauteskundeetan gailendu izan ez balitz zigortzeko froga nahikoak daudela ziurtatu du.
"Trump aukeratu eta Presidentetzara laster itzuliko ez balitz, bulegoak uste du frogak nahikoak zirela epaiketa batean zigor bat lortzeko eta horri eusteko", ondorioztatu du Smithek azken orduetan argitaratutako txostenean, Aileen Cannon epaile federalaren oniritzia jaso ondoren.
Smithen ahotan, "Konstituzioak presidente bat inputatzea eta auzipetzea debekatzen duela ulertzen du Justizia Departamentuak, baina horrek ez du aldatzen egotzitako krimenen larritasuna, Gobernuaren frogen irmotasuna edo akusazioaren merituak, Fiskaltzak erabat babesten dituenak".
Merrick Garland AEBko fiskal nagusiari zuzendutako azken txostena aurkezteko gutunean, Smithek gogorarazi du Justizia Departamentuak bi ikerketa egin zizkiola handi-mandiari.
Lehenengoa 2020ko hauteskundeen ostean "boterearen legezko eskualdaketa oztopatzeko ahaleginengatik" aurrera eraman zuten, eta bigarrena, berriz, Trumpek Mar-a-Lagon duen etxean "dokumentu sekretuak ezkutatzeagatik".
"Ondo ezagutzen nauten guztientzat, Trumpek esan du nire erabakiak fiskal gisa Biden Administrazioaren edo beste eragile politiko batzuen menpe egon zirela, eta hori barregarria da", adierazi du Smithek. "Auziak epaiketara eramatea posible izan ez bada ere, nire lantaldeak zuzenbide-estatua defendatu izanak garrantzia du", gaineratu du.
"Ikerketan aurkitutako eta nire txostenean aurkeztutako gertakariek axola dute", azpimarratu du. "Fiskal eskarmentudunek badakite ezin dituzula emaitzak kontrolatu, eta zure lana modu egokian eta arrazoi zuzenengatik bakarrik egin dezakezula. Lana amaitu eta erabat bete ditugu Justizia Departamentuarekin eta gure herriarekin ditugun betebeharrak, uste osoa dut egin dugula", berretsi du.
Txostena argitaratu eta berehala, Trumpek TruthSocial sare sozialean Smithen aurka gogor egin du. "Jack Smith erotuta eta etsita dagoela frogatzeko, bere ondorio faltsuak argitaratu ditu", aurpegiratu dio handi-mandiak fiskal bereziari.
"Jack fiskal zoro bat da, hauteskundeen aurretik auzi hau epaitua izateko gai izan ez dena. Bozak aise irabazi nituen eta boto-emaileek hitz egin dute", gogorarazi du Trumpek.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.