Horrelakoak dira Txinak AEBri ezarri nahi dizkion muga-zerga berriak
Txinak iragarri du AEBko zenbait produkturi % 10etik % 15era arteko muga-zerga gehigarriak ezarriko dizkiela otsailaren 10etik aurrera, Estatu Batuetako gobernuak Txinako inportazioei ezarritako kargei erantzunez.
Zehazki, Txinak % 15eko muga-zergak ezarriko ditu ikatza eta gas natural likidotuaren gainean, eta petrolio gordinak, nekazaritzako makineriak eta zilindrada handiko automobilek % 10eko karga izango dute. Gainera, iragarri du funtsezko mineralen esportazioa zorrotzago kontrolatuko duela, hala nola tungstenoarena eta bismutoarena, horiek funtsezkoak baitira teknologia- eta arma-industriarako.
Erabaki hau Donald Trump AEBko presidenteak ezarritako neurrien erantzuna da. Izan ere, fentaniloaren krisiari aurre egin nahian, Trumpek % 10eko zerga ezarri die Txinako produktuei. Erabaki horrek Pekinen ezinegona eragin du, eta Txinako gobernuak dagoeneko salaketa publikoa egin du Munduko Merkataritza Erakundearen aurrean, horrek ezarritako arauak urratzen dituelakoan eta aldebiko lankidetza ekonomikoari kalte egingo diolakoan.
Era berean, Txinak iragarri du monopolioaren aurkako Googleren kontrako ikerketa bat egingo duela, Estatu Batuei eraso egiteko beste presio fronte bat irekitzeko asmoz.
Bere aldetik, AEBko gobernuak hilabetez atzeratu du Kanadari eta Mexikori ezarritako % 25eko muga-zergak aplikatzea, azken orduan akordioetara iritsi ostean.
Aurrera begira, zer?
Datozen orduetan Txinarekin hitz egingo duela iragarri du Trump presidenteak. Ohartarazi du akordiorik lortu ezean, muga-zergak are gehiago igo daitezkeela.
Zure interesekoa izan daiteke
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.
Flotillaren abokatuek salatu dute aktibistak atxilotu zituztenetik inkomunikatuta dauzkatela
"Atzo hasi ziren itsasontziak geldiarazten, eta orain arte, ia 30 ordu geroago, oraindik ezin izan dugu baieztatu aktibistak Israelera iritsi direnik", adierazi dute.
Putin Txinan da, Xi Jinpingekin harremanak sendotzeko
Donald Trumpen bisitatik egun gutxi igaro direnean, Errusiako presidenteak hartu du lur Pekinen. Bi eguneko bidaia egingo du eta, tartean, Xi Jinping Txinako agintari nagusiarekin bilduko da. Ekialde Hurbila eta Ukraina izango dira bidaia honetan zehar jorratuko dituzten gaietako bi, baina 40 bat akordio sinatzea ere espero dute; horietako batzuk, energiaren arloan.
Kongoko EDko Gobernuaren arabera, 134 heriotza susmagarri izan dira ebolaren agerraldiaren ondorioz
MOEren zuzendariak adierazi du kezkatuta dagoela agerraldia azkar ari delako zabaltzen. Ituri probintzian hasi zen agerraldia joan den ostiralean, baina dagoeneko Kongoko Errepublika Demokratikoko ekialdeko beste bi eremutara zabaldu da.
Munduko Osasunaren Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Munduko egoera zeharo aldatu da hamar urtean: zatiketa nabarmenagoa, zor handiagoa eta herritarrak babesteko gaitasun txikiagoa dago. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981. urtea ezkero izandako kopururik handiena
2.707 kasu erregistratu ziren 2025ean, erakundeak 44 urtean erregistratutako kopururik handiena. Exekuzio horien ia % 80 Iranen egin ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.