Israelgo segurtasun kabineteak bilera du gaur su-etenaren bigarren fasea negoziatzeko
Israelgo lehen ministro Benjamin Netanyahuk biltzera deitu du bere segurtasun kabinetea, Gazako su-etenaren bigarren fasearen negoziazioari heltzeko. Otsailaren 3an ziren hastekoak meniaren bigarren fasearen gaineko negoziazioak, baina oraindik ez dute hizketaldirik izan.
Gaur biltzeko erabakia bezperan hartu du Netanyahuk, AEBk Ekialde Hurbilean duen ordezkari Steve Witkoffekin telefonoz hitz egin ostean, ohar baten bidez jakinarazi dutenez.
"Lehen ministroak ordezkari bereziari esan dio talde politikoa eta segurtasun kabinetea deituko dituela bihar (astelehenagatik) akordioaren bigarren faseaz jarduteko", gaineratu dute.
Fox AEBko telebista-kateari egindako adierazpenetan Witkoffek esan du astean zehar ere hitz egiten jarraituko dutela, "oraindik erabakitzeke dagoen lekuren batean". Netanyahurekin, Qatarko lehen ministroarekin eta Egiptoko inteligentzia zerbitzuetako buruarekin —biak dira meniaren negoziazioetan bitartekari— hitz egin ondoren egin ditu adierazpen horiek. "Bigarren fasea hasiko da", erantsi du.
Hamas talde islamiarrak bitartekariei (Egipto, Qatar eta AEB) negoziazioak susta ditzatela eskatu eta gutxira iragarri da gaurko bilera.
Rubiok bahituekin duten konpromisoa berretsi du
AEBko Estatu idazkari Marco Rubiok, bestalde, Israelgo presidente Isaac Herzogi esan dio Trump "irmo" dagoela eta "bahitutako pertsona guztiak etxera itzultzeko konpromisoa" beteko duela.
"Ez hartu atsedenik, ez isildu, ez ahaztu, guztiak etxean egon arte", adierazi du Rubiok Herzogekin batera komunikabideen aurrean bilera hasi baino lehen egindako agerraldian.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.