Macronek buruzagien bilera beste bat deitu du gaurko, Ukrainaz hitz egiteko
Emmanuel Macron Frantziako presidenteak Europako eta Europakoak ez diren buruzagien beste bilera bat deitu du gaurko, asteazkenarekin, Ukrainako egoera aztertzeko.
Macronek iragarri du bilera, eskualdeko hainbat hedabideri egindako elkarrizketa batean. Hitzordua Eliseoan batzartu eta bi egunera izango da. Espainiako, Erresuma Batuko, Alemaniako, Italiako, Herbehereetako eta Danimarkako agintariak eta EBren eta NATOren arduradunak bildu ziren astelehenean, Parisen.
Bi iturriren arabera, gonbidatuak Norvegia, Kanada, Lituania, Estonia, Letonia, Txekiar Errepublika, Grezia, Finlandia, Errumania, Suedia eta Belgika izango dira oraingoan. Formatua hibridoa izango omen da, bideokonferentzia bidezko parte-hartzea barne, hiru diplomazialarik azaldu dutenez.
Horrela, Bart De Wever Belgikako lehen ministroak Frantziako presidenteak deitutako hitzordu berri honetan parte hartuko du, bere bozeramaileak Belga agentziari baieztatu dionez. Antza denez, bideokonferentzia bidez parte hartuko du.
Macronek baieztatu duenez, asteleheneko bileraren aurretik Donald Trump AEBko presidenteari deitu zion telefonoz, eta "negoziazioa eta gatazkaren amaiera ahalbidetzeko paper erabakigarria" jokatzea egotzi dio handi-mandiari.
Baina ohartarazi du "bake iraunkorra" ezin dela "Ukraina gabe" negoziatu, eta Europak "konponbideak" eman ditzakeela, hala nola "segurtasun bermeak" ematea behin akordioa itxita.
Ildo horretan, baztertu egin du Frantziako tropak gatazka guneetara bidaltzea, baina ohartarazi du Ukrainari gerra materialarekin eta adituekin laguntzen jarraituko dutela. Erresuma Batuarekin batera aukera hori aztertzen ari dira, baina zehaztu du frontetik urrun izango litzatekeela.
Beste konponbide posible bat NBEren agindupean bakea mantentzeko indar bat bidaltzea litzateke, fronte-lerro osoa zaintzeko.
Azkenik, Macronek esan du Putinekin hitz egiteko prest dagoela: "Deitzen badit, telefonoa altxatuko diot, jakina. Egokia den unean, ziklo honetan, etorkizuneko negoziazioetan, jakina, deia itzuliko diot, erabilgarria bada".
Albiste gehiago mundua
Israelek "aurrekaririk gabeko indarra" erabiliko du Gaza hiriaren aurkako erasoaldian
2023ko urriaren 7az geroztik, 65.100 palestinar baino gehiago hil ditu Israelek Gazako Zerrendan burututako erasoaldietan, agintari gazatarren arabera.
Nor da Jimmy Kimmel eta zein dira bere programa bertan behera utzi ondorengo polemikaren gakoak?
Umorista ezagunaren "Jimmy Kimmel Live!" saioa bertan behera utzi izanak areagotu egin du adierazpen-askatasunari eta zentsurari buruzko eztabaida Ameriketako Estatu Batuetan.
Kritikatzen duten kanalei emisio baimenak kentzeko mehatxua egin du Trumpek
"Nonbait irakurri dut kanalak % 97an daudela nire aurka, % 97an negatiboa. Eta, hala ere, erraz irabazi nuen zazpi estatu giltzarrietan (presidentzialetan). % 97 nire aurka badaude, publizitate txarra ematen didate eta lizentzia bat baino ez dute, baimena kendu beharko lieketela esango nuke", esan du Air Force One hegazkinean.
ABCn Jimmy Kimmelen programa bertan behera uztea eragin zuen bakarrizketa
Komiko estatubatuarrak zuzenean kritikatu zuen Etxe Zuriak Charlie Kirken hilketaren aurrean izandako erreakzioa, eta Trumpen adierazpenak erakutsi zituen. Horrek Etxe Zuriaren haserrea eragin zuen.
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.