AEB eta Ukraina datorren astean Saudi Arabian bilera bat egitea negoziatzen ari dira
Steve Witkoff Ameriketako Estatu Batuek Ekialde Hurbilerako duten ordezkari bereziak gaur baieztatu duenez, AEBko Administrazioa eta Ukrainako Gobernua Saudi Arabian balizko bilera bat negoziatzen ari dira, 2022ko otsailean hasitako gerrari amaiera emango dion akordio batean aurrera egiteko.
"Eztabaidan ari gara ukrainarrekin bilera bat koordinatzeko Riaden, edo Yedan. Hiria pixka bat aldatzen ari da, baina Saudi Arabian izango da. Bake akordioa eta hasierako su-etena lortzeko lan testuinguru bat prestatzea da asmoa", adierazi du Witkoffek Etxe Zuriaren aurrean.
Halaber, Witkoffek jakinarazi du Volodimir Zelenski Ukrainako presidenteak gutun bat bidali diola Donald Trump AEBko presidenteari, joan den astean Washingtonen izandako eztabaidaren ostean. Witkoffen ahotan, Zelenskiren mezua elkarrizketei berriz heltzeko "lehen pauso positibo" bezala hartu du Trumpek.
Witkoffek balizko batzarraren berri eman eta gutxira, Zelenskik Ukrainako eta Ameriketako Estatu Batuetako talde negoziatzaileak datorren astera begira "bilera eraikitzaile" bat egiteko prestatzen ari direla jakitera eman du.
Bestalde, Vladimir Putin Errusiako presidenteak esan du Moskuk ez diela uko egingo azken hiru urteetan Ukrainako gatazka amaitzeko ezarritako marra gorriei, eta, beraz, bere interesei gehien komeni zaien "bakearen bertsioa" aukeratuko duela. Errusiak, segurtasunari dagokionez, "lasaitasuna" lortu behar duela azpimarratu du Putinek.
Era berean, baztertu egin du lurraldeak lagatzea. "Ez dugu beste batzuena den ezer behar, baina ez diogu geureari uko egingo", gaineratu du agintariak, Errusiako albiste-agentzien arabera.
Moskuk argi utzi nahi izan du Kiev NATOn sartzearen aurka dagoela, nahiz eta Ukrainak "segurtasun bermeak" bilatzen dituen.
Sergei Lavrov Errusiako Atzerri ministroak gaur adierazi duenez, Europako tropak Ukrainan zabaltzea "NATOren inplikazioa" gauzatzea izango litzateke.
Gainera, Lavrovek Emmanuel Macron Frantziako presidenteari gogorarazi dio bere herrialdeak arma nuklearrak garraiatzeko 56 sistema besterik ez dituela, eta AEBk, berriz, 898. Esan du kopuru hori ez dela nahikoa Europaren segurtasuna bermatzeko.
Moskuk Macroni "xantaia nuklearra" egitea eta "Europako patroi nuklear" bihurtzeko asmoa erakustea leporatu dio, bere aterki nuklearra alternatiba bezala proposatzeagatik.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.