Ukrainak Errusiaren aurkako aire-erasorik handiena egin du
Errusiako aireko defentsek 337 drone suntsitu dituzte, Moskuko kanpoaldean ere, Errusiak Ukrainan kanpaina militarra hasi zuenetik egindako erasorik handienean, Errusiako Defentsa Ministerioak Telegrameko bere kanalean jakitera eman duenez.
Emandako informazioaren arabera, tripulaziorik gabeko 91 aparatu txikitu dituzte Errusiako hiriburuaren kanpoaldean.
"Oraingoz, badakigu pertsona bat hil dela eta hiru zauritu daudela", idatzi du Telegramen Moskuko gobernadore Andrey Vorobyovek.
Era berean, Sergey Sobyanin Moskuko alkateak esan zuen bart egindako erasoa hiriburuaren aurkako eraso bortitzena izan dela.
"Moskutik gertu 74 drone bota dituzte, hainbat lekutan; tripulaziorik gabeko ehunka aparatu. Eskerrak eman nahi dizkiegu Defentsa Antiaereoko indarrei, egindako lan bikainagatik", idatzi du Sobianinek, Telegrameko bere kanalean.
Aginte militarraren arabera, bart eraitsitako drone guztietatik 126 Kursk eskualdean suntsitu zituzten. Errusiako tropak iazko abuztutik beren lurraldearen zati bat kontrolatzen duten indar ukrainarrak kanporatzen saiatzen ari dira.
Gainontzeko aparatuak Briansk (38), Belgorod (25), Riazn (22), Kaluga (10), Lipetsk (8) Oriol (8) Voronezh (6) eta Nizhni Novgorod (3) eskualdeetan erori ziren.
Droneekin egindako eraso masiboa Jiddan (Saudi Arabia) Ukrainako eta Ameriketako Estatu Batuetako ordezkaritzek egingo duten bilera baino ordu batzuk lehenago gertatu da, Andrii Sybiha eta Marco Rubio Kanpo Arazoetako arduradunak buru dituztela.
Zure interesekoa izan daiteke
Iranek bere gain hartu du "ontzi estatubatuar" baten aurka Persiar golkoaren iparraldean egindako erasoa
Gainera, Iranek bi petrolio ontziri eta karga ontzi bati eraso egin die Persiar golkoan, Ormuzko itsasartetik gertu. Bien bitartean, Israelgo armadak Libano bonbardatzen jarraitzen du eta azken orduetan erasoaldi berri bat iragarri du Teheranen dituen helburuen aurka.
AEBk 172 milioi upel aterako dituzte beren petrolio erreserba estrategikoetatik
Ormuzko itsasartetik igarotzen ari ziren itsasontzien aurkako azken erasoen ondotik, Brent upelaren prezioa 100 dolarretik gora igo da.
Kalte-ordainak eta "berme irmoak" eskatu ditu Iranek AEBrekin eta Israelekin duen gatazka amaitzeko
Masud Pezexkian presidenteak adierazi du Teheran eskualdean bakea ezartzeko "konprometitua" dagoela, eta "autodefentsarako" eskubideaz mintzatu da.
Trumpek berriz esan du Espainiak ez duela Defentsan "laguntzen", eta merkataritza-harremana etengo duela mehatxu egin du
Donald Trump AEBko presidenteak asteazken honetan esan duenez, Espainiako Gobernuak "ez du laguntzen" Defentsaren alorrean, eta bien arteko merkataritza-harremana etengo duela mehatxu egin du berriro.
Ormuzko itsasartean misio bat egiteko baldintzak ez direla betetzen onartu du Macronek
Hala ere, azpimarratu du "antolatu" egin behar direla, inguruan dauden merkantzia-ontziei eskolta emateko.
Brent upela egonkor dago, 88 dolarrean, petrolio-erreserbak merkaturatzeko zain
The Wall Street Journal egunkariak asteazken honetan argitaratu duenez, Nazioarteko Energia Agentziak (IAE) inoizko petrolio erreserben kopuru handiena merkaturatzea proposatu du, petrolioaren prezioak murrizteko, eta IAEko herrialdeek 2022an Errusiak Ukraina inbaditu zuenean jarri zituzten 182 milioi petrolio upelak baino gehiago lirateke.
AEBren arabera, Ormuzko itsasartean minak jartzen ari ziren Irango 16 itsasontzi suntsitu dituzte
AEBko Komando Zentralak bideo bat zabaldu du, Irango ontzien aurkako erasoak ikusgai. Adierazi dutenez, operazioaren helburua da nabigazioa berriz martxan jartzea.
Tentsioa Bruselan, Von der Leyenek “jada existitzen ez den” mundu-ordenaz esandakoengatik
Erkidegoko iturriek zehaztu dutenez, bere diskurtsoaren helburua ez zen arauetan oinarritutako sistemarekiko errespetua lurperatzea, baizik eta azpimarratzea, gero eta gatazkatsuagoa den mundu honetan, EBk ezin dituela babes horiek baliatu bere interesak defendatzeko modu bakar gisa.
Gatazkaren egunik "bortitzena" bizi izan dute Iranen eta Libanon
Bonbardaketak areagotu egin dira Iranen eta Libano hegoaldean, eta, dagoeneko, 1.250 hildako zenbatu dira, gehienak zibilak. Oraingoz, aldeek ez dute negoziatzeko asmorik agertu, nahiz eta Txinak eta Errusiak gatazka baretzea eskatu duten. Bien bitartean, Trumpek adierazi du Iranek minak jarri dituela Ormuzko itsasartean eta, kendu ezean, "inoiz ikusi gabeko ondorioak" egongo direla mehatxu egin du.
Iranek heriotza-zigorra ezarriko dio etsaiari laguntzen dion orori
Iranek hedabideei eta herritarrei ohartarazi die etsaiarekin lankidetzan ibiltzeak heriotza eta ondasunak konfiskatzea dakartzala, Ameriketako Estatu Batuen eta Israelen erasoaldiaren ondoren; dagoeneko 1.200 hildako baino gehiago utzi ditu.