Hitzorduak areagotuta, bi bilera egingo dituzte kardinalek astelehenean
Hitzorduak areagotzea erabaki dute gaur kardinalek. Horrela, astelehenerako bi bilera deitu dituzte Vatikanoan, Frantzisko aita santuaren ordezkoa aukeratuko duen konklabearen atariko gisa.
Vatikanoko bozeramaile Matteo Brunik baieztatu du astelehenean bi bilera egingo dituztela, bata goizean eta bestea arratsaldean (Euskal Herrian 09:00ak eta 17:00ak direnean).
Gaurko hitzordua hasi aurretik, hainbat kardinalek aitortu dute barne eztabaidak ez direla oraindik amaitu.
Jean-Paul Vesco frantziarrak, esaterako, hauxe aurreratu du, komunikabideen aurrean: "Oraindik ez gaude prest, Jainkoak nor hautatu duen deskubritu behar dugu. Denbora gehiago behar dugu elkarrekin otoi egiteko, baina ziur nago behar den unerako pronto egongo garela".
Ildo beretik, Fernando Natalio Chomali Garib kardinal txiletarrak azpimarratu du 133 izen dituztela, eta, horren esanetan, aukera guztiak daude zabalik.
Bihar, igandea, ez da bilerarik egongo, eta Brunik ez du baztertu asteleheneko biak bukatu ostean asteartekoak ere bikoiztea.
Biharamunean, asteazkenean, 133 kardinal hautatuak —80 urtez azpikoak guztiak— Kapera Sistinoan giltzapetuko dira, apirilaren 21ean hil zen Frantzisko aita santuaren ondorengoa aukeratzeko. Ordura arte, ezingo dira Vatikanotik atera, ezta inorekin harremanetan jarri ere.
Vatikanoak Kapera Sistinoa itxi du
133 kardinalak hartzeko prestatzen dabiltza Vatikanoa, Santa Marta Etxea eta Kolegio Pontifikal Etiopiarra. Horien isolamendua ziurtatzeko, ingurua erabat blindatuta dute, eta Kapera Sistinoan sare elektronikoa etenda dute. Konklabea maiatzaren 7ko arratsaldean hasiko da.
Zurginak, errementariak, dekoratzaileak, garbitzaileak, administrazioko langileak, kontableak eta kanpo enpresetako beharginak ari dira prestakuntza lanak egiten, etenik egin gabe, asteazkenerako dena prest egon dadin.
Zure interesekoa izan daiteke
Azken hamarkadetako gatazka krudel eta bortitzenetakoa bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon da sarritan. Hildakoen kopuru zehatza jakiterik ere ez dago: 150.000 izan daitezkeela aipatzen da, nahiz eta askoz gehiago direla uste izan. Gosetea zabalduta dago eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatu asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.
Trumpek ez du su-etena luzatzeko asmorik, ABC katearen arabera
Donald Trump AEBko presidenteak Giorgia Meloni Italiako lehen ministroaren aurka egin du astearte honetan, Leon XIV.a aita santuaren defentsan duela gutxi esandakoagatik eta Irango gerran parte hartzeari uko egiteagatik.
Estatu Batuen eta Iranen arteko elkarrizketak bi egun barru berrekin litezkeela iradoki du Trumpek
Joan den asteburuan Islamabaden (Pakistan) negoziazioen lehen erronda akordiorik gabe itxi ostean, Etxe Zuriko maizterrak iragarri du "zerbait" gerta litekeela datozen bi egunotan.
Txina, hazkunde etengabean: Munduko fabrika izatetik, lider teknologikoetako bat izatera
Txina Irango eta Persiako golkoko beste herrialde batzuetako petrolio eta gas inportatzaile handia da. Hala ere, herrialdearen erreserbak maximo historikoetan daude, eta auto elektrikoen eta energia berriztagarrien aldeko apustuari esker, gerrak ez dio askorik eragin, momentuz. Horrela, Iran bazkide estrategikoa duen arren, Txina erantzun diplomatikoaren alde dago, epe luzerako estrategia baitarabil.
AEBren arabera, Venezuelako 150 milioi petrolio upeletik gora saldu dira Maduro harrapatu zutenetik
Chris Wrigt AEBko Energia arloko buruak esan du petrolioaren prezioek uda honetarako behera egitea "epe oso anbiziotsua" da. Aurreikusi dute Ormuzko itsasarte estrategikoan "itsas trafiko esanguratsua" lortu bitartean, energiaren prezioek "altuak" izaten jarraituko dutela.
Libano eta Israelen arteko aurrez aurreko elkarrizketak gaur hasiko dira, Washingtonen, elkarren jarrerak urrun daudela
Hezbollahren buruzagiak Libano eta Israelen arteko negoziazioak gaitzetsi ditu, Israelek 2024ko azaroan adostutako su-etenaren "klausula bakar bat ere" bete ez duela argudiatuta.
Hungariako Asanblea Nazionalaren osaera, hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.
Nazioarteko Itsas Erakundea: "Inongo herrialdek ez du itsasarteetako joan-etorria oztopatzeko eskubiderik"
Arsenio Dominguez idazkari nagusiak kritika gogorrak egin dizkie AEBri eta Irani; alde batetik, Ormuzetik ontzien joan-etorria blokeatzeagatik, eta, bestetik, ingurutik pasatzeko bidesaria ezartzeagatik.
Leon XIV.a aita santuak "beldurrik gabe" erantzun dio Trumpi
"Ez diot beldurrik Trumpen administrazioari" eta "ahotsa altxatzen jarraituko dut bakea eraikitzeko". Horrela erantzun dio Leon XIV.a aita santuak Estatu Batuetako presidentearen deskalifikazioei.