EBk Israelekin duen Elkartze Akordioa aztertuko du, 17 estatuk, tartean Espainiak, eskatu ondoren
Europar Batasunak Israelekin duen Elkartze Akordioa aztertuko du, 17 estatuk, tartean Espainiak, Kaja Kallas Kanpo Politikarako EBko goi-ordezkariari egindako eskakizunaren ondorioz, Gazako Zerrendan bizi den egoera "jasanezin eta ankerraren" aurrean, Giza Eskubideak errespetatzeko beharrari buruzko 2. artikuluan oinarrituta.
Zenbait iturri diplomatikok baieztatu dutenez, estatu kide gehienek bat egin dute Espainiak, Irlandak, Esloveniak eta Luxenburgok egindako eskaerarekin, alde batetik, eta Herbehereek egindakoarekin, hamar bat estatu kideren babesa baitzuen.
"Argi dago egoera nabarmen okertu dela azken bileratik, baita EBk bere kezka argia adierazi zuen gai batzuetan ere. Horrenbestez, benetako zentzua emateko unea iritsi da, neurri zehatz eta esanguratsuekin EB-Israel Elkartze Akordioaren 2. artikuluari", zioen Espainiak, Irlandak, Esloveniak eta Luxenburgok sinatutako gutunak.
Bestalde, Herbehereetako Atzerri ministro Caspar Veldkampek 2. artikulua "ahalik eta lasterren" betetzen ari den aztertzea eskatu du; izan ere, bere ustez, "blokeo humanitarioa Israelen betebeharren urraketa da, Nazioarteko Zuzenbide Humanitarioaren arabera, eta, beraz, Elkartze Akordioaren 2. Artikulua horren arabera".
"Badakit Israel laguntza banatzeko sistema berri bat proposatzen ari dela. Oraindik xehetasun asko ezagutzen ez badira ere, sistema hori ez da bateragarria neutraltasun, inpartzialtasun eta independentzia printzipio humanitarioekin, eta ez luke ahalbidetuko baldintzarik gabe eta oztoporik gabe laguntza behar duten pertsonei banatzea", adierazi du ministroak, eta "horrek guztiak gogoeta eta eztabaida zabalagoa merezi du" EBk Israelekin duen harremanari buruz.
Erabakia EBko Atzerri ministroak Bruselan egiten ari diren bileran izandako eztabaida baten ondoren etorri da, eta David Lammy Erresuma Batuko ministroak Israelekin merkataritza-negoziazioak bertan behera utziko dituela iragarri ondoren, Gazako Zerrendaren aurkako eraso "onartezina" dela eta. Lammyk Benjamin Netanyahu lehen ministroaren Gobernuari egotzi dio erabaki horren erantzukizuna.
Israelen erantzuna
Berehala etorri da Israelen erantzuna. Benjamin Netanyahuren Gobernuko Atzerri Ministerioak oharra kaleratu du EBren erabakia kritikatuz, "Hamasen posizioa indartu" baino ez duela egiten esanez. Israelek bizi duen "errealitate konplexua" aintzat ez hartzea egotzi dio Europari.
X sare sozialen zabaldutako idatzian, Oren Marmorstein Israelgo Atzerri Ministerioko eledunak adierazi du Hamas taldeari "hauspoa" ematen ari direla, Israel kritikatzen dutenek. "Posizio horien emaitza da gerra luzatzea (...) EBri eskatzen diogu presioa dagokion lekuan egin dezala: Hamas taldearen gainean", erantsi du.
Zure interesekoa izan daiteke
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.