Israelen erasoek 50 hildako baino gehiago utzi dituzte Gazan azken orduetan
Gutxienez 53 pertsona hil dira azken orduetan Gazako Zerrendan Israelgo Armadak egindako erasoen ondorioz. Benjamin Netanyahu Israelgo lehen ministroak justifikatu egin du erasoa, bere herrialdea "bidezko bitartekoekin" defendatzen dela esanez, eta gogor kritikatu ditu Frantziako, Erresuma Batuko eta Kanadako gobernuak, Israeli egindako ohartarazpenengatik.
Bonbardaketak Palestina iparraldean eta erdialdean jazo dira, bertan Israelgo Armadak kanpaina militar handi bati ekin zion duela astebete. Jabaliako errefuxiatu-eremuan, iparraldean, gutxienez bederatzi pertsona hil dira familia-etxebizitza baten kontra egindako erasoan.
Beste eraso batek Gaza Hiriko eskola bat zuen helburu, eta bertan desplazatutako pertsonak bizi ziren, hain zuzen ere. Mediku iturrien arabera, gutxienez 13 pertsona hil ziren bonbardaketa horretan.
Komunikatu batean, Netanyahuk Paris, Londres eta Ottawako gobernuei leporatu die Hamasek 2023ko urriaren 7an egindako erasoa "saritzea", Israelek erasoaldia amaitzen ez badu "neurri zehatzak" hartuko dituela mehatxu egiteagatik. "Eraso genozida horrek prezio izugarria du eta antzeko ankerkeria gehiagori ateak irekitzen dizkiete", adierazi du agintari israeldarrak.
Netanyahuk berretsi du gerra "bihar bertan" amaitu daitekeela Hamasek bahitu guztiak askatu, armak entregatu, buruzagiak erbesteratu eta Gaza desmilitarizatzen badu. "Zibilizazioaren basakeriaren aurkako gerra da hau", adierazi du.
"Israelgo Defentsa Indarrak munduko armadarik moralena dira, eta gure soldaduak gu existentzearen alde ari dira borrokan. Gogor gaitzesten dut Yair Golanek gure soldadu heroikoen aurka eta Israelgo Estatuaren aurka egindako eraso basatia", jaso du komunikatuak.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.