'Madrilgo Taldea'k bilera egingo du gaur bi estatuen irtenbidea landu eta Gazako blokeoarekin amaitzeko
Jose Manuel Albares Espainiako Gobernuaren Kanpo Arazoetako, Europar Batasuneko eta Lankidetzako ministroak harrera egingo die gaur arratsaldean Madrilen, Europako eta arabiar herrialdeetako hainbat ministrori, Ekialde Hurbileko gatazka konpontzeko beste saiakera batean. Bi estatuen konponbidearen aldeko apustua berrestea, Israelen gaineko presioa handitzea eta Gazako Zerrendaren blokeoa amaitzeko urratsak egitea da bileraren helburua.
"Bi estatuen irtenbidea ezartzeko ministroen Madrilgo bilera" izena jarri dio Atzerri Ministerioak ekimenari, eta Europako hainbat herrialdetako ministroak bertaratzea espero da; Espainiako tesietatik gertuen daudenak edo Palestina aitortu dutenak, batez ere, baita arabiar herrialdeak ere. Dena dela, ofizialki ez da jakitera eman nortzuk izango diren bilera horretan.
Albares buru duen ministeriotik esan dutenez, nazioarteko eragileen arteko elkarrizketa bultzatzea da topaketaren helburua, "Gazako hondamendi humanitarioari amaiera emateko eta gatazkaren konponbide politikorantz aurrera egiteko, bi estaturen, Israelen eta Palestinaren, konponbidea gauzatuz, bata bestearen ondoan bakean eta segurtasunean bizi daitezen".
Nazioartea mobilizatzen jarraitzeko helburua dutela ere adierazi dute, "Gazaren gaineko erasoaldi militarra amaitzeko eta berehalako su-eten bat bultzatzeko, bahitu guztiak berehala askatzeko eta Gazara laguntza humanitarioa sartu ahal izateko, Nazioarteko Zuzenbide Humanitarioaren arabera".
"Israelek ezin du erabaki nork jasotzen dituen elikagaiak, noiz jasotzen dituen eta nola", ohartarazi zuen Albaresek ostegunean, Washingtonen, Marco Rubio AEBko Estatu idazkariarekin bildu ondoren.
Irailaren 13an egindako lehen bilerari jarraipena emango dio igande honetako bilerak, eta ekainaren erdialdean New Yorken egingo den goi-mailako konferentziaren atariko gisa ere balioko du. Konferentzia hori Frantziak eta Saudi Arabiak babestu dute, NBEren babesarekin.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.