10 bahitu eta 18 gorpu eskaini dizkio Hamasek Israeli, zenbait preso palestinarren truke, AEBri erantzunez
Steve Witkoff AEBko Gobernuaren bidali bereziak egindako proposamenari erantzun dio gaur, larunbata, Hamasek, eta bizirik dauden 10 israeldar aske uztea eta 18 gorpu ematea eskaini dio. Trukean, su-etena eta zenbait preso palestinar askatzea galdegin dio.
"Hainbat kontsulta egin ostean, eta gure herriarekiko dugun erantzukizuna eta berorrek duen sufrimendua ikusita, Witkoffen proposamenari erantzun nahi diogu", esan du Hamasek ohar baten bidez.
Kontraeskaintza ere egin dio Hamasek, "su-eten iraunkorra", "Israelgo tropak Gazako Zerrendatik ateratzea" eta "laguntza humanitarioaren iritsiera bermatzea" eskatuta.
Baldintza horiek betez gero, Hamasek "bizirik dauden 10 israeldar" entregatuko ditu, eta "hitzematen dugu 18 gorpu ere emango dizkiogula Israeli", gaineratu du. Horren ordainetan, zenbait preso palestinar —bion artean adostutako kopuru bat— askatu beharko dituzte.
Witkoffek "60 eguneko menia" proposatu zien lehen faserako, "Israelgo indarrak lekuz aldatzea" eta "bahituak presoen truke aldatzea".
Orain, Hamasen erantzuna "erabat onartezina" dela idatzi du X sare sozialean. "Guztiz onartezina da, atzera egitea besterik ez da. Hamasek guk jarri dugun esparruan negoziatzea onartu beharko luke eta datorren astean bertan hasi hizketan", esan du.
Hamaseko arduradun batek esan du Witkoffen balorazioa oso "injustua" dela eta Israelen menpe ari dela erakusten duela. Are gehiago, horren hitzetan, beraiek kontuan izan dute Witkoffen proposamena eurena egiteko garaian.
Albiste gehiago mundua
Israelek Arakeko ur astunen erreaktorea bonbardatu du, Iranen
Israelen erasoek Iranen azpiegitura militar eta nuklearra murriztu dute, eta 224 lagun hil egin dituzte, persiar Gobernuaren datu ofizialen arabera
Gazako agintariek jaioberriak elikatzeko premiazko laguntza eskatu dute
Horrez gainera, Osasun Ministerioak salatu duenez Gazako erietxeetan soilik hiru egunerako erregaia gelditzen zaie. Bestetik, 25 pertsona hil eta 120 baino gehiago zauritu dira janari zain zeudenean.
Israelek Teherango hainbat auzo eta toki bonbardatu ditu, tartean Ilargi Gorriaren eraikin bat
Joan den ostiral goizaldean Israelek Iranen aurkako erasoa abiatu zuenetik, Teheranek 400 misil balistiko eta ehunka drone jaurti ditu Israelen aurka.
Irango buruak AEBri mehatxu egin, eta adierazi du Israelekin duen gatazkan sartuz gero "ondorio konponezinak" izango direla
Ali Khameneik azpimarratu duenez, Teheranek "irmo jarraituko du inposatutako gerra baten aurrean, inposatutako bake baten aurrean bezala"
Trumpek dio badakitela non dagoen Khamenei, baina "oraingoz" ez omen dute hilko : "Jomuga erraza da"
"Gure pazientzia bukatzear da", azpimarratu du AEBko presidenteak, eta Irani "baldintzarik gabe amore eman" dezala eskatu dio.
Aire erasoek ez dute etenik Israelen eta Iranen artean
Gaur arratsaldean Iranek alarma antiaereoak piztu ditu Israelgo hegoaldean, ostiraletik egindako hamargarren erasoan. Iranen ere, bonbardaketak izan dira berriro Teherango kaleetan.
Zer dakigu Trumpek bere izenarekin martxan jarri nahi duen telefono zerbitzuari buruz?
Ameriketako Estatu Batuetako presidenteak 'Trump' eta 'T1' markak erabiltzea eskatu du telekomunikazio, dispositibo mugikor eta telefono sektoreetan.
Melissa Hortman Minnesotako kongresista demokrataren hilketaren susmagarria atxilotu dute
Hortmanez gain, senarra ere hil zuen Vance Boelter susmagarriak. John Hoffman senatari estatala eta haren emaztea ere zauritu zituen erasoan.
Gutxienez 51 gazatar hil dituzte giza-laguntza banatzeko gune batean, Gaza hegoaldean
Agintariek adierazi dutenez, gainera, 200dik gora zauritu daude, horietatik 20 larri. Israelek berak eta Ameriketako Estatu Batuek babesten dute fundazioa janari-kaxen banaketa egiten hasi zenetik izan den kopururik handiena da.
New York Timesen ikerketa baten arabera, Leon XIV aita santuak Kantabriako sustraiak ditu
Ikerketak azaldu du hamaikagarren belaunaldiko lau herenaitonamonak Isla herriko kapareak zirela XVI. mendean.