Askatasunaren Flotillako 'Madleen' belaontzia Ashdodeko portura eraman dute, Israelek abordatu ondoren
David Mencer Israelgo Gobernuaren bozeramaileak adierazi duenez, ekintzaileak "laster" deportatuko dituzte jatorrizko herrialdeetara. Bozeramaileak, gainera, ekimena barregarri utzi nahi izan du, flotilla baino , "selfieak ateratzeko yatea" zela adierazi baitu.
Askatasunaren Flotillako 'Madleen' belaontzia, Ashdoden porturatzen. Argazkia: EFE
Gaur goizaldean Israelek nazioarteko uretan atzemandako Askatasunaren Flotillako 12 ekintzaileak Ashdod portura eraman dituzte dagoeneko, Mikel Ayestaran EITBko berriemaileak aurreratu duenez. Honenbestez, 'Madleen' belaontzia porturatu da.
Adalah erakundeak adierazi duenez, flotillan dauden ekintzaileak, tartean Greta Thumberg aktibista klimatikoa, Israelek Gazan duen blokeoa hausteko "misio zibil" bateko kide dira, eta "legez kanpokotzat" jo du nazioarteko uretan atzeman eta atxilotu izana.
Bestalde, David Mencer Israelgo Gobernuaren bozeramaileak bideokonferentzia batean adierazi duenez, Gaza parean atzemandako ontzia Israelgo Ashdod portura eramaten ari dira, atoian, eta bertan dauden ekintzaileak "laster" deportatuko dituzte jatorrizko herrialdeetara.
Bozeramaileak, gainera, ekimena barregarri utzi nahi izan du, Gazarako laguntza humanitarioa zuen flotilla baino , "selfieak ateratzeko yatea” zela adierazi baitu. “Ez zen laguntza humanitarioa, Instagrameko aktibismoa baizik", erantsi du.
Mencer Israelen jokabidea justifikatzen saiatu da, argudiatuz ontzia Gazara iristen uzteak "Iranek babestutako terrorismoari, mundu osoko estremistei eta sasi-ekintzaileei ateak irekiko lizkiekeela, Israelen legezko blokeoari buruzko titularren bila".
Blokeoa 2007tik
Israelek erabateko blokeoa ezarri zuen Gazan martxoaren 2an, laguntza Hamasek bereganatzen zuela argudiatuz, Tel Avivek beti egin ohi duen bezala. Laguntza maiatzaren 19an sartu zen berriro Zerrendara, baina oso modu mugatuan. Bitartean, dozenaka mila gazatar goseak daude dagoeneko, NBEren eta beste talde humanitario batzuen arabera.
Gazak Israelen lurreko, aireko eta itsasoko blokeoa jasaten du 2007tik (Egiptorekin muga egiten duen Rafahko tartea ere kontrolpean hartu zuenetik), Hamasek hauteskundeak irabazi ondoren boterea hartu zuenetik.
Zure interesekoa izan daiteke
Suitzako sutean hildako 40 lagunak identifikatu dituzte eta erdiak adin txikikoak ziren
22 hildako suitzarrak ziren, 7 frantziarrak, 6 italiarrak, bi errumaniarrak, bat portugaldarra, bat belgikarra eta beste bat turkiarra. Adinari dagokionez, gehienak 14 eta 17 urte bitartekoak ziren, eta gainerakoak 18 eta 39 urte bitartekoak.
Astelehen honetan eramango dituzte Maduro eta emaztea New Yorkeko auzitegi federal batera
New York Hegoaldeko Barrutiko Auzitegiko bozeramaile baten arabera, Alvin K. Hellerstein epaile federalaren aurrera eramango dituzte Manhattanen bihar, deklara dezaten, 12:00etan (17:00 GMT).
Delcy Rodriguezek presidente kargua hartzea babestu dute Venezuelako Indar Armatuek
Arratsaldean egindako agerraldian Vladimir Padrino Defentsa ministroak salatu du AEBko militarrek Maduroren segurtasun taldeko kide gehienak "odol hotzean" hil zituztela atzoko operazioan.
Delcy Rodriguez, Maduroren bigarrena, giltzarri izango da Venezuelaren etorkizun hurbilean
Nicolas Maduroren atxiloketaren ostean askok Maria Corina Machado edo Edmundo Gonzalez oposizioko kideek hartuko zutela boterea uste arren, Venezuelako Justizia Auzitegi Gorenak orain arte Venezuelako presidenteorde izan denari eman dio gidaritza, baita Trumpen Gobernuak ere.
AEBk Venezuelan egindako erasoa izango du hizpide astelehen honetan NBEko Segurtasun Kontseiluak
Kolonbiak bultzatu du premiazko bilera horren deialdia, eta Errusiak eta Txinak ofizialki babestu dute proposamena. Bakeari eta nazioarteko segurtasunari egindako mehatxuei buruzko eztabaida gisa sailkatu dute 10:00etan (15:00ak GMT) hasiko den hitzordua.
Madurok Caracastik Brooklyngo espetxe federalera egindako bidea, iruditan
Nicolas Maduro AEBn dago atzotik. DEA Drogen Aurkako Agentziak New Yorken duen egoitzak zabaldutako irudietan, Madurok Caracastik Brooklyngo espetxe federaleraino egindako bidea ikus daiteke. Lehen gaua igaro du kartzelan.
'Venezolanos en Bilbao Bizkaia' plataformak elkarretaratzea egingo du Maduro atxilotu izana ospatzeko
Plataformaren ustez, Venezuelako presidentea "sufrimendu handia eragin duen pertsona bat izan da", eta "itxaropena" piztu du AEBren operazioak.
Maduro New Yorkera eraman dute, segurtasun talde handi batek inguratuta
Nicolas Maduro Venezuelako presidentea eraman duen hegazkina larunbateko 23:00ak aldera lurreratu da New Yorken. Venezuelako presidentea FBI eta DEA inteligentzia eta drogen aurkako agentzietako agentez inguratuta eraman dute. Madurok eta Cilia Flores emazteak datozen egunetan deklaratuko dute AEBko auzitegi federal batean.
Chavismoaren oinordekoa zen Maduroren ibilbidea "eten" du Trumpek, 12 urtez agintean egon ondoren
2013aren hasieran, Maduroren ibilbide profesionala goitik behera aldatu zen, Venezuelako presidente bihurtu baitzen. Chavez martxoaren 5ean zendu zen, eta hauteskundeak deitu zituzten. Madurok botoen % 51 eskuratu zituen hauteskunde horietan, Henrique Capriles garaituta.
Nazioartearen erreakzioak AEBk Venezuelan egindako erasoaren aurrean
Errusiak "oinarririk gabeko aitzakiak baliatuta" egindako "eraso armatua" izan dela salatu du, Espainiak "deseskalatzea eta moderazioa" eskatu ditu, eta Frantziak Edmundo Gonzalez izatea presidente berria. Latinoamerikan muturreko iritziak eragin ditu AEBen operazioak.