Israelek Irango telebista publikoa bonbardatu du, Teherango auzo batzuk husteko agindu ostean
Israelen eta Iranen arteko bonbardaketen laugarren egunean, gatazkak ez du amaitzeko itxurarik, Iran gatazka amaitzeko prest badago ere, Wall Street Journalen arabera. Gaur, gaueko erasoen ostean, Israelgo Indar Armatuek Irango telebista publikoaren egoitza bonbardatu dute Teheranen.
Israelgo Aire Indarrek adierazi dutenez, "Iran erdialdean helburu militarrak erasotzen jarraitzen dute", baina ez dute xehetasun gehiagorik eman zer izan duten jomugan.
Hala ere, Israel Katz Israelgo Defentsa ministroak Irango "propaganda" zuzenean seinalatu ondoren gertatu da erasoa. "Iranen propaganda-bozgorailua desagertzear dago", adierazi du Katzek sare sozialetan. "Gertuko egoiliarren ebakuazioa hasi da", gaineratuz.
Israelgo Indar Armatuek Irango telebista publikoaren egoitza dagoen Teherango hirugarren barrutia husteko eskatu dute: "Premiazko oharra Teherango 3. barrutian erantsitako mapan adierazitako eremuan dauden pertsona guztiei. Herritar estimatuok, zuen segurtasunagatik, Teherango 3. barrutian aipatutako eremutik berehala alde egiteko eskatzen dizuegu ", argitaratu du Avichay Adraee Israelgo Armadaren arabierazko bozeramaileak.
"Datozen orduetan, Israelgo Armadak eremu horretan jardungo du, azken egunetan Teheranen egin duen bezala", gaineratu du Adraeek mezuan. Horrekin batera, mapa bat argitaratu dute, gorriz dagoen eremu batekin.
Israelek Iranen egindako erasoetako batean zauritutako pertsonak. Argazkia: EFE
Iranek Tel Aviven ebakuazioa eskatu du eraso gehiago iragarriz
Bestalde, Iranek ere ohartarazpena egin die Tel Aviven, azpiegitura militarren inguruan, bizi diren bizilagunei bertatik berehala joan daitezen, erasoak egingo dituztelako.
Gainera, Irango agintariek jakinarazi dutenez, 30 pertsona inguru zaintzapean jarri dituzte "erregimen sionistaren terrorismoarekin" lotura dutelakoan. Joan den ostiralen Israelgo Armada Iran bonbardatzen hasi ondoren etorri dira atxiloketak.
Testuinguru honetan, argi printza bat ere agertu da: Iranek herrialde arabiarren bidez jakinarazi du Israelekin duen gatazkari amaiera eman eta programa nuklearrari buruzko negoziazio mahaira itzuli nahi duela, Wall Street Journal egunkariaren arabera.
NBEk "oso kezkagarritzat" jo du Iranen eta Israelen arteko gatazka, eta "premiazko" elkarrizketa eskatu du
Volker Turk NBEren Giza Eskubideetarako Goi Komisarioak "oso kezkagarritzat" jo du Israelen eta Iranen arteko egungo "eskalada militarra", eta elkarrizketa prozesu bat "premiaz" hastea eskatu du, erasoei "irtenbide bat aurkitzeko".
Nazioarteko Zuzenbidearekiko "erabateko errespetua" bermatzeko eskatu die Turkek Israeli eta Irani, zibilak babesteko eskari zuzena eginez. Irango zein Israelgo indarrek hiriguneak jo dituzte azken egunotan, 230etik gora lagun erahilez Israelek eta 20 Iranek.
NBEren Giza Eskubideen buruzagiaren adierazpenen ondoren, Irango Gobernuak Israelen erasoa "zorroztasunez" gaitzesteko eskatu dio Turki.
Merzek dio G7an Europaren jarrera bateratua dela Iranek ezin duela arma nuklearrik eduki
Bestalde, G7aren bilera egiten ari dira Kanadan, eta handik, Friedrich Merz Alemaniako kantzilerrak aurreratu duenez, Israelen eta Iranen arteko gatazkaren inguruan Europak duen jarrera da "Teheranek ez duela inola ere arma nuklearrik eduki behar", eta Tel Avivek, berriz, "prebentzio eraso bat egiteko eskubidea" duela, Iranen ustezko mehatxu batetik defendatzeko. Ikusi beharko da zer adierazpen adosten duten azkenean.
Albiste gehiago mundua
Trumpek pozik hartu du Israelen eta Hamasen arteko balizko akordioa, eta nazioarteko lankidetza eskertu du
Minutu eta hamar segundoko bideo bat argitaratu du Etxe Zuriko kontuetan AEBko presidenteak, eta bertan adierazi du "tratu justua" jasoko dutela guztiek.
Trumpen planaren lehen fasea "berehala" ezartzeko prestatzen ari da Israel
"AEBko presidentearekin eta bere taldearekin elkarlanean jarraituko dugu gerrari amaiera emateko, Israelek mahai gainean jarritako printzipioei jarraikiz, Trumpen ikuspegiarekin bat baitatoz gerra amaitzeko", adierazi du Benjamin Netanyahu Israelgo lehen ministroaren prentsa bulegoak ohar labur batean.
Hamasek bahitu guztiak askatzea onartu du, baina Trumpen bake planaren baldintzak negoziatzea eskatu du
AEBetako presidenteak proposatutako plana hainbat egunez aztertu ondoren, talde palestinarrak adierazi du proposamenaren puntu batzuk onartzen dituela, baina negoziatzen jarraitu nahi duela.
Trumpek igandera arte eman dio Hamasi Gazarako plana onartzeko, edo "inoiz ikusi ez den infernua piztuko da"
Planak gerra berehala amaitzea, bahituak askatzea eta Gazarako trantsizio gobernu bat eratzea proposatzen du, agintari estatubatuarrak eta Tony Blair Britainia Handiko lehen ministro ohiak gainbegiratuta.
Poliziak baieztatu du Manchesterko sinagogako biktimetako bat agenteen tiroen ondorioz hil zela
Poliziaburuaren arabera, Jihad Al-Shamie susmagarriak ez zeraman suzko armarik, eta tiro bakarrak poliziek egin zituzten, baimendutako armekin, erasotzailea sinagogan sartzea eragozten saiatu zirenean. Hori dela eta, biktimaren bala-zauriak agenteek egin behar izan zituzten, nahi gabe bada ere.
Israelek Gazara zihoan Sumud ontzidiaren azken ontzia atzeman du
Itsasontzi militar bat hurbiltzen eta soldadu israeldarrak ontzira igotzen ikusi dituzte, zuzenean, ontziko kameren bidez. Gazako kostaldetik 42,5 itsas miliara zegoen Marinette itsasontzia abordatu dutenean.
Sumud Flotillak salatu du Israelen atxilotutako kideek ez dutela laguntza legalik jaso
473 atxilotu Israel hegoaldeko espetxe batera eraman dituzte. Bertako iturriek adierazi dutenez, atxilotu gehienek berehala deportatuak izatea onartu dute. Bestetik, flotillako kide ziren parlamentari eta eurodiputatu italiarrak arratsaldean iritsi dira Erromara eta gainerako atxilotuak askatzeko eskatu dute.
Hamasek "laster" iragarriko du Trumpek Gazarako duen planari emango dion erantzuna, baina "mehatxuak eta presioak" salatu ditu
Akordioak lortzeko konpromisoa berretsi du, "denbora odola baita".
Israelek Sumud Flotillako 443 kide atxilotu eta Beersebako espetxe batera eramango ditu ondorengo orduotan
Aurrena, Asdodeko portura eraman dituzte flotillako kideak, eta handik, Beersebako espetxe batera eramatea da Israelgo Gobernuaren asmoa.
Hiru hildako eta hiru zauritu larri sinagoga baten ondoan izandako eraso batean, Manchesterren
Hildakoetako bat erasotzailea bera da. Poliziak tirokatuta hil da. Keir Starmer Erresuma Batuko lehen ministroak aitortu du "atsekabetuta" dagoela erasoarekin, eta azpimarratu du gertatutakoa "are lazgarriagoa" dela Yom Kippur egunean egin delako; juduentzako egunik sakratuenean egin baita, alegia.