G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
G7ko herrialdeek erabaki dute Estatu Batuetako enpresa multinazionalak % 15eko gutxieneko tasa ordaintzetik salbuestea, 2021ean Ekonomia Lankidetza eta Garapenerako Erakundeak (OECD, ingelesezko siglengatik) bultzatutako sozietateen gaineko zergan.
"Gai honi buruzko eztabaiden ondoren (...) denok ere ulertzen dugu sistema paralelo batek Esparru Inklusiboan jurisdikzioek lortutako aurrerapen garrantzitsuak berma ditzakeela zerga-oinarriaren higadurari eta etekinen banaketari aurre egiteko eta etorkizunean nazioarteko zerga-sistemari egonkortasun eta ziurtasun handiagoa emateko", dio G7ren komunikatuak.
Scott Bessent AEBko Altxorraren idazkariak ostiral honetan aurreratu duenez, OECDaren 2. Ardazta delakoaren zergak "ez zaizkie enpresa estatubatuarrei aplikatuko", eta eskerrak eman dizkie G7ko homologoei "emaitza historiko hori lortzeko emandako laguntzagatik".
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Era berean, akordioaren arabera, herrialdeak elkarlanean arituko dira "partekatutako helburu politikoak babesteko", "baldintza berdinei" dagokienez eman daitekeen "edozein arrisku nabarmeni" aurre egiteko.
"Aldebiko lankidetza-sistema bat ezartzeak aurrerapen handiagoa erraztuko du nazioarteko zerga-sistema egonkortzeko, ekonomia digitalaren zerga-ordainketari eta herrialde guztien zerga-subiranotasuna zaintzeari buruzko elkarrizketa eraikitzailea barne", aipatzen du komunikatuak.
G7a, AEBez gain, Alemaniak, Erresuma Batuak, Frantziak, Italiak, Japoniak eta Kanadak osatzen dute, zeinak momsgarbi hauetan txandakako presidentetza duen.
Nazioarteari buruzko albiste gehiago
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.
Kayed Hammad itzultzailea Gazatik atera da bere emazte eta hiru seme-alabekin
Kayed Hamadek oso harreman estua du Mikel Ayestaran lankidearekin. Harremanetan egon dira une oro, baita une txarrenetan ere, eta, zorionez, lortu du senideekin Gazatik ateratzea. Ammanen izan gara berarekin, baina Malagara joatekoa da, bertan duen anaia batengana.
Sarraski berri bat Gazan: Israelek 100 palestinar baino gehiago hil eta beste 200 zauritu ditu 24 ordutan
Israelgo Armadak bi bonbardaketa egin ditu errefuxiatuak hartzen zituen eskola baten aurka eta ospitale baten inguruan, eta 20 palestinar inguru hil ditu.
Jameneiren arabera AEBk ez du instalazio nuklearrik kaltetu eta "zaplazteko gogorra" hartu du bueltan
Irango buruzagi gorenaren arabera, AEBk ezin izan du "kalte esanguratsurik" eragin Iranen eta bere instalazio nuklearren aurka; salatu duenez, AEBko presidenteak "neurriz kanpo puztu du gertakaria bere kontakizunean".