Israelek "10 orduko" etenaldi militarrak egingo dituela jakinarazi du, laguntza humanitarioa sartzea ahalbidetzeko
Dozenaka kamioi atera dira Egiptotik Gazara, Israelek laguntza humanitarioa ahalbidetzeko "10 orduko" etenaldiak iragarri ostean. Era berean, Israelek aireko laguntza humanitarioa martxan jarri duela ere jakinarazi du. Hala ere, "etenaldi" horrek ez ditu saihestu bart gutxienez izandako 31 hildakoak.
Laguntza humanitarioko kamioiak Gazako zerrendara bidean. Argazkia: EFE.
Igande honetan, laguntza humanitarioko dozenaka kamioi Egiptotik Gazako Zerrendara bidaiatzen hasi dira, Rafah mugako pasabidetik, Israelgo ikuskapenak tartean. Egiptoko kateek zuzenean igorritako irudiek konboien irteera erakutsi dute, oinarrizko elikagaiekin eta hornidurekin kargatuta, eta Israelek "etenaldi taktikotzat" jo du erasoaldiaren geldiunea.
Laguntza banaketa berri hau bat dator Israelgo Armadak jakinarazitako estrategia berriarekin; hain zuzen ere, armadak iragarri du egunero "hamar orduko" etena izango omen duela zenbait gunetako operazio militarretan, "laguntzaren banaketa errazteko".
Hala ere, Egiptoko iturrien arabera, Israelek Rafah lurralde palestinarra kontrolpean izateak une oro baldintzatu du laguntza humanitarioa sartzea. Horrenbestez, Egipton asteetan gordetako produktuak ezin izan dira banatu.
Era berean, Israelek aireko laguntza humanitarioa berriz hasi duela dio; alegia, irina, azukrea eta elikagai latatuak dituzten paketeekin.
Erabakiak testuinguru kritiko batean ematen dira. Izan ere, Gazako osasun agintarien arabera, gutxienez 127 pertsona (horietatik 85 adingabeak) hil dira desnutrizioaren ondorioz, Israelek 2023ko urrian erasoaldia hasi zuenetik.
Biren bitartean, Palestinaren aldeko erakundeek ekimen zibilen aurkako ekintzak salatu dituzte. Askatasunaren Ontzidia, Handala itsasontzia, laguntza humanitarioa Gazara zeramana, Israelgo Armadak nazioarteko uretan bortizki geldiarazi duela jakinarazi dute.
Esan bezala, Handala itsasontziaren atzematea muturreko krisi humanitario baten erdigunean ematen da, non gero eta handiagoa den biztanleentzat laguntza kanal jasangarriak eta seguruak desblokeatzeko presioa.
Hildakoek ez dute "etenaldirik"
Gutxienez 31 hildako izan dira bart Gazan, laguntza humanitarioaren zain zirelarik. Hala, hildakoak izan dira berriro ere, nahiz eta Israelek iragarri duen "10 orduko" etenaldi militarrak egingo dituen, laguntza humanitarioa sartzea ahalbidetzeko.
Nazioarteari buruzko albiste gehiago
Israelek 'Handala' ontzia atzeman du nazioarteko uretan eta blokeoa hausteko Gazara iritsi nahi zuten 21 ekintzaileak atxiki ditu
Askatasunaren Ontzidiko ekintzaileen abokatuek salatu dute Israelek ez diela ikusten uzten. "Ontzia nazioarteko uretan geldiarazi zuten, eta atxilotzea nazioarteko zuzenbidearen urraketa argia da", salatu dute.
Greziak laguntza eskatu dio Europar Batasunari baso-suteei aurre egiteko
Herrialdeko 11 eskualdetan izaten ari dira suteak, eta gutxienez 7.000 pertsona ebakuatu dituzte hiriburuaren inguruan. Vasilis Vathrakoyannis suhiltzaileen bozeramaileak azaldu duenez, sei aireontzi eskatu dituzte, "azken egunetako suteek tamaina handia hartu dutelako eta arriskutsuak direlako". Egoera zaila aurreikusten da, datozen egunetan tenperatura altuek, lehorteek eta haize bortitzek jarraituko dutelako.
Venezuelak udal hauteskundeak egingo ditu gaur
Hauteskundeak 06:00etan hasiko dira, eta 53 alderdi nazionalek eta eskualdekoek hartuko dute partea; baita erakunde indigenek ere.
Von der Leyen eta Trump igande honetan bilduko dira Eskozian, AEBk muga-zergak inposatzeko ultimatuma amaitzear dagoenean
Gainera, bileran bi buruzagiek "merkataritza harremanak eta horiek indartzeko moduak" eztabaidatuko dituztela azaldu du Europako Batzordeak.
Laguntza humanitarioa zeraman 'Handala' ontzia atxikitu du Israelgo Armadak Gazarako bidean
Hamabi herrialdetako 21 ekintzaile zihoazen bertan. Joan den ekainaren 9an, Askatasunaren Ontzidiako beste ontzi bat, 'Madleen' izeneko ontzia, geldiarazi zuen Israelek, eta ekintzaile guztiak atxilotu zituen, tartean, Greta Thunberg.
Gazako Zerrendan aireko laguntza banatzeari berrekin dio Israelek
Israelgo Defentsa Indarrak (FDI) berriz ere aireko laguntza banatzen hasi dira Gazako Zerrendan.
Gutxienez 652 haur hil dira aurten desnutrizioagatik Nigeriako iparraldean, MSFren arabera
"Aurrekontu murrizketa masiboak ikusten ari gara, bereziki Estatu Batuetatik, Erresuma Batutik eta Europar Batasunetik, desnutrizioa duten haurren tratamenduan benetako eragina izaten ari diren murrizketak", esan du ohar batean Ahmed Aldikhari Nigeriako MSFko ordezkariak.
Ehunka lagun kalera atera dira Edinburgon eta Aberdeenen, Trumpen bisitaren kontrako protestetan
Ostiral gauetik eskozian da Trump. Bost egunez izango da bertan, eta Turnberryko bere golf zelaietan jolasten aritu da larunbatean. Keir Starmer eta Ursula Von der Leyenekin bilduko da egunotan AEBko presidentea. Bitartean, baina, euren haserrea eta desadostasuna agertu dute ehunka eskoziarrek Edinburgoko eta Aberdeeneko kaleetan; Palestinaren aldeko eta etorkinen aldeko afixak zituzten eskutan horietako askok.
"Gose krisia sakontzen ari da: aurretik dagoeneko gaixorik zeudenak hiltzen ari dira"
Aitor Zabalgogeaskoa MSFko koordinatzaileak Gazatik kontatu digunez, ahulenek, lehendik egoera okerrena zutenek, ezin dute jada Gazako janari-faltak eragindako egoera gainditu. Dagoeneko 125 pertsona hil dira gosez, horietatik 11 ume azken orduetan.