Gaza Hiria okupatzeko Netanyahuren plan militarra onartu du Israelgo Gobernuak
Gainera, inbasioa amaitzeko bost printzipio proposatu ditu: besteak beste, zerrenda desmilitarizatzea eta "administrazio zibil alternatibo" baten gobernua ezartzea.
Benjamin Netanyahu Israelgo lehen ministroa, artxiboko argazki batean. Argazkia: EFE
Benjamin Netanyahu lehen ministroak Gaza Hiria okupatzeko proposatutako plan militarra onartu du gaur goizaldean Israelgo Gobernuak.
Hamar orduko bilera baten ostean, Israelgo Gobernuak komunikatu bat zabaldu du “Hamas garaitzeko” Netanyahuren plana azaltzeko. Halere, Gaza Hiria okupatzeaz gainera, ez dute argitu zer gertatuko den Zerrenda osoarekin, lehen ministroak kabinetearekin eztabaida-saioa hasi aurretik operazioa eremu osora zabaltzeko asmoa agertu bazuen ere.
Gobernuaren hitzetan, kabineteko kideen “gehiengoak” bost printzipio onartu ditu inbasioa amaitzeko: Hamas desarmatzea, bahitu guztiak bizirik (edo hilda) berreskuratzea, Gazako Zerrenda desmilitarizatzea, Israelek Gazako Zerrendan segurtasuna kontrolatzea eta Hamasena eta Palestinako Agintariarena ez den "administrazio zibil alternatibo bat" ezartzea enklabean; azkenak, gaur egun okupatuta dagoen Zisjordaniako zati batzuetan gobernatzen du.
Palestinako Herri Erresistentziaren Batzordeek, Hamas Erresistentzia Islamikoaren Mugimenduaren gertukoek, "genozidiorako errezeta" gisa hartu dute plana, armak uzteari uko egin diote eta Israelgo agintariek bahituak "negoziazioen bidetik" soilik berreskuratuko dituztela azpimarratu dute.
Bilera hasi aurretik Fox kateari egindako adierazpenetan, Netanyahuk adierazi zuen bere helburua Gaza osoa okupatzea zela, baina ez duela hura gobernatu nahi, baizik eta "segurtasun perimetroa" mantendu eta "gobernatuko duten indar arabiarren esku" utzi.
Komunikatuaren arabera, bileran "plan alternatibo bat" baztertu dute, horrela "ez liratekeelako lortuko Hamasen porrota eta bahituen itzulera". Israelgo komunikabideen esanetan, plana Eyal Zamir Israelgo Armadako Estatu Nagusiko buruzagiak proposatu zuen, Netanyahuri aurre eginez Zerrenda osoa okupatzearen aurka agertu zen militarrak.
Azken egunotan, Israelgo hedabide nagusiek filtratu dute Netanyahuk erasoaldirako hainbat fasetako plan bat duela, ustez bahituak dituzten guneetara hedatzeko asmoarekin. Lehenengoan, tropek Gaza Hiria hartuko lukete, eta iparraldeko hiri horretan bildu diren milioi bat gazatar Mawasi (hegoaldea) ingurura lekualdatzea behartuko lukete.
Ondoren, bigarren fasean, Israelek Zerrendako erdialdeko errefuxiatuen kanpalekuen kontrola hartzea bilatuko luke. Toki horietan daude, Israelgo Gobernuaren ustez, oraindik bizirik dauden bahituak.
Israelgo Gobernuak zabaldutako informazio ofizialak, ordea, ez du Gaza Hiria hartzea ez den beste aukerarik berretsi.
Milizia palestinarrek 50 gatibu dituzte oraindik, eta horietako hogei bakarrik omen daude bizirik, Israelen arabera.
NBEk asteazkenean ohartarazi zuenez, Israelek plan hori martxan jartzen badu "ondorioak katastrofikoak" izango dira gazatarrentzat.
2023ko urrian Israelen inbasioa hasi zenetik, 60.000 pertsona baino gehiago hil dira Palestinako enklabean. Hori genozidio gisa salatu dute hainbat herrialdek Nazioarteko Justizia Gortean (CIJ), eta giza eskubideen aldeko nazioarteko eta Israelgo hainbat erakundeek ere genozidiotzat jo dute.
Nazioarteari buruzko albiste gehiago
Gutxienez 200 pertsona atxilotu dituzte Londresen, Palestine Action taldearen aldeko manifestazio batean
Palestine Action taldea legez "erakunde terrorista" gisa sailkatuta dago Erresuma Batuan uztailetik, bertako aireko armadaren base militar batean bi hegazkin bandalizatu ondoren.
Nagasakik minutu bateko isilunearekin gogoratu ditu bonba atomikoaren biktimak, 80 urte geroago
Minutu bateko isilunea egin dute Nagasakin, AEBk bonba nuklearra jaurti zuenetik 80 urte bete direla gogora ekartzeko. 74.000 hildako utzi zituen, Hiroshiman 140.000 pertsona hil eta hiru egunera. Agintari nipondarrek eta bizirik atera zirenek izugarrikerietatik ikasteko eta 1945eko abuztuaren 9ko oroitzapen tragikoa gogoan izateko eskatu dute.
Kiev aintzat izan gabe hartutako erabakiak jaiotzerako "hilda" daudela esan du Zelenskik
Trumpek eta Putinek Ukrainako gerraren amaierari buruz hitz egiteko iragarritako goi-bileran egotea eskatu du Zelenskik, baita Europaren parte-hartzea ere.
Trump eta Putin abuztuaren 15ean bilduko dira, Alaskan, Ukrainako gerrari buruz hitz egiteko
Oraindik ez dago argi Volodimir Zelenski Ukrainako presidenteak ordezkaritzarik izango ote duen akordio bat lortzen saiatzeko hitzordu honetan. Datozen orduetan xehetasun gehiago emango dituztela iradoki du AEBko presidenteak.
Mendi bat erditik moztu dute Txinan 600 metroko altueran dagoen autobide bat eraikitzeko
Guizhou probintzian, ingeniariek mendia zatitu dute autobide moderno bat eraikitzeko. Lehergaiak eta zulatzeko teknika aurreratuak erabili dituzte korridore zabal bat sortzeko.
Alemaniak iragarri du Israel helmuga duen arma esportazioen zati bat eten egingo duela "oraingoz"
Aurrekaririk gabeko erabakia da Alemanian. Bestalde, Herbehereetan atzera bota dituzte ontzi militarren piezak Israelera esportatzeko hiru lizentzia, eta Norvegiak esan du Israelgo inbertsioetan egingo dituzten aldaketak iragarriko dituztela datorren astean.
Hamasek Israeli ohartarazi dio erasoaldia hedatzeak bahituak "sakrifikatzea" esan nahi duela
Israelgo kabineteak Gazako Zerrendan bere erasoaldi militarra zabaltzea erabaki ostean iritsi da talde islamistaren komunikatua. Hamasek ohartarazi duenez, "zibilen aurkako krimen basatiagatik duen erantzukizun legala saihesteko ahalegin zakarra da".
Mugarik Gabeko Medikuek eskatu dute Gazako Fundazio Humanitarioaren banaketa-guneak desegiteko: "Tranpa hilgarriak dira"
Mugarik Gabeko Medikuak (MSF) gobernuz kanpoko erakundearen txosten baten arabera, Gazarako Fundazio Humanitario estatubatuarraren elikagaiak banatzeko zentroak "hilketa orkestratuak eta deshumanizazioa" egiteko lekuak dira, eta horiek ixteko deia egin du. Israelek horren esku utzi zuen Gazan laguntza humanitarioa banatzeko ardura, hainbat hilabetez erabat blokeatuta egon ondoren.
Gaza inbaditzeko plana "berehala gelditzeko" eskatu du NBEk
Nazio Batuen Erakundeko Giza Eskubideetarako goi mandatariak salatu duenez, Netanyahuren erabakia Nazioarteko Justizia Gortearen irizpenaren kontrakoa da.
Gutxienez zazpi pertsona atxilotu dituzte Israelen, Gazako inbasioaren aurkako protestetan
Israelgo agintariek gutxienez zazpi pertsona atxilotu dituzte ostegun honetan Gazako Zerrendan inbasio militarraren aurka egindako manifestazioetan, eta zalditeria eta ur-kanoiak erabili dituzte protesta jendetsuak sakabanatzeko. Jerusalemen, bizirik atera direnen eta bahituta daudenen senideak izan dira protestetan, eta akordio bat eskatu dute horiek askatzeko eta Israelek Palestinako enklabearen kontra egindako erasoaldia amaitzeko, besteak beste.