Miguel Uribe senatari kolonbiarra hil egin da ekainean izandako erasoan jasandako zauri larrien ondorioz
Uribek 39 urte zituen, eta eskuineko alderdi bateko senataria zen. Atentatua gertatu zen egunetik Bogotan ospitaleratuta zegoen. Hainbat ebakuntza egin dizkiote, baina sekula ez du egoera kritikoa gainditu.
Miguel Uribe Turbay, Bogotan egindako manifestazio batean. Artxiboko argazkia: EFE
Miguel Uribe Turbay senatari eta presidentegai kolonbiarrak hil egin da gaur, Maria Claudia Tarazona emazteak jakitera eman duenez. Ekainaren 7an, Bogotan, izandako eraso batean buruan tiro egin zioten.
"Jainkoari eskatzen diot zu gabe bizitzen ikasteko bidea erakusteko", idatzi du Tarazonak bere sare sozialetan, eta gaineratu du: "Atseden hartu bakean, nik zainduko ditut gure seme-alabak", bien argazki batekin batera.
39 urteko Uribe Turbay, eskuineko alderdiko senataria, Bogotako Santa Fe Fundazioaren klinikan ospitaleratuta zegoen atentatuaren egunetik. Ebakuntza kirurgiko batzuk egin dizkiote, eta hobera egin bazuen ere, ez du inoiz egoera kritikoa gainditu.
Joan den larunbatean, klinikak jakinarazi zuen politikariak odoljarioa izan zuela nerbio-sisteman, eta haren egoerak okerrera egin zuela.
Uribe Turbayk buruan bi tiro jaso zituen, eta beste bat ezkerreko hankan, Bogotako Modelia auzoko parke batean mitin politiko baten ematen ari zela, 2026ko presidentetzarako hauteskundeei begira.
Gustavo Petro Kolonbiako presidentearen hitzetan, oposizioko senatariaren heriotza "porrota" da herrialde osoarentzat. "Horregatik gaude triste, Miguelen heriotzak min ematen digu, gureetakoa balitz bezala. Porrot bat da. Hildako kolonbiar bat den bakoitzean, Kolonbiaren eta bizitzaren porrota da. Horregatik, dolua eta aurrera egitea da geratzen dena", adierazi du Petrok X sare sozialean.
"Bizitza edozein ideologiaren gainetik" dagoela azpimarratu du agintariak, eta "bizitza maite duen gobernu aurrerakoi batean, oposizioko senatari baten hilketa" gertatu izana deitoratu du.
Zure interesekoa izan daiteke
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.